default_image

1 month ago

March 13, 2024

मन्त्रालयको चासोपछि एन्फामा खलबली, बहराइन जान तयार पदाधिकारी अलमलमा

काठमाडौं (हाम्रो खेलकुद) – अखिल नेपाल फुटबल संघ (एन्फा) संघ सम्बन्धित भएपनि राष्ट्रिय फुटबल टोलीमा कुनै जिम्मेवारी नभएका १० जना टोलीसँग गएको विषयमा युवा तथा खेलकुद मन्त्रालयले चासो राखेपछि एन्फामा खलबली मच्चिएको छ । एन्फा उपाध्यक्ष दीपक खतिवडा, सिइओ इन्द्रमान तुलाधरसहित जिल्ला र क्लबका पदाधिकारी विना खास जिम्मेवारी बुधबार टोलीसँगै मलेसिया गएपछि मन्त्रालयले ध्यानाकषर्ण भएको […]

7505 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) संघ सम्बन्धित भएपनि राष्ट्रिय फुटबल टोलीमा कुनै जिम्मेवारी नभएका १० जना टोलीसँग गएको विषयमा युवा तथा खेलकुद मन्त्रालयले चासो राखेपछि एन्फामा खलबली मच्चिएको छ ।

एन्फा उपाध्यक्ष दीपक खतिवडा, सिइओ इन्द्रमान तुलाधरसहित जिल्ला र क्लबका पदाधिकारी विना खास जिम्मेवारी बुधबार टोलीसँगै मलेसिया गएपछि मन्त्रालयले ध्यानाकषर्ण भएको प्रेस विज्ञप्तीमार्फत जनाएको थियो ।

मन्त्रालयको प्रेस विज्ञप्ती आउनु अघि नै फुटबल टोलीसँगै १० जना मलेसिया गएका भन्दा पनि अब बहराइन जाने अन्य १० जनाको विषयमा के गर्ने भन्ने विषयमा एन्फा तथा पदाधिकारी अलमलमा परेको बुझिएको छ ।

मलेसियाबाट १० जना फर्केपछि बहराइनमा हुने फिफा विश्व कप र एएफसी एसियन कप छनोटका लागि एन्फाले अरु १० जना पठाउने तयारी गरिहेको छ । अब जाने तयारीमा रहेका १० जना मध्य कतिपयले मन्त्रालयको चासोपछि नजाने मनसाय व्यक्त गरेको पनि एन्फाका एक पदाधिकारीले बताए ।

मन्त्रालयको चासोपछि एन्फा अध्यक्ष पंकजविक्रम नेम्वाङ अब के गर्ने भन्नेमा अलमलमा परेको ती पदाधिकारी बताउँछन् ।
नेपाल र बहराइनबीच हुने फिफा विश्वकप र एएफसी एसियन कप छनोटको दुवै खेल बहराइनमै हुने यसअघि नै पक्का भइसकेको छ । होम एण्ड अवेका आधारमा छनोट खेल हुने भएपनि दशरथ रंगशाला खेलाउन लायक नभएपछि दुवै खेल बहराइनमा हुन लागेको हो ।

पूर्व निर्धारित खेल अनुसार नेपाल र बहराइनबीचको पहिलो खेल दशरथ रंगशालामा चैत ८ गते र दोस्रो लेग चैत १३ गते हुनुपर्ने थियो । सोही मितिमा अब दुवै खेल बहराइन नेसनल स्टेडियममा हुने एन्फाले जनाएको थियो ।

फुटबल टोलीमा खेलाडीसँगै प्रशिक्षक, सहायक प्रशिक्षक, व्यवस्थापक र फिजियोबाहेक एन्फा उपाध्यक्ष खतिवडा, सिइओ तुलाधर, सदस्य महेन्द्र क्षेत्रीसहित , जिल्ला फुटबल संघ संखुवासभाका अध्यक्ष भरत घिमिरे, ललितपुरका सचिव प्रविण श्रेष्ठ, कास्कीका सुविन कुमार श्रेष्ठ, थ्री स्टार क्लबका उपाध्यक्ष जयकृष्ण श्रेष्ठ, खुमलटारका सचिव बुद्धि गुरुङ, मकवापनुरका सुनिल लोप्चन र एन्फा कर्मचारी ज्ञानु राई छन् ।

कर्मचारी राईको हकमा भने एन्फाले पछिल्लो समय किट म्यानेजरको भूमिकामा एन्फामा कार्यरत कर्मचारीलाई लग्दै आएको हो । तर किट म्यानेजरमा विकास गुरुङ रहँदै आएकोमा यसपटक राई गरेका थिए । अन्य पदाधिकारी भने विना भूमिका मलेसिया गएका हुन् ।

अन्तर्राष्ट्रिय स्तरको प्रतियोगितामा सहभागी हुनुका लागि राष्ट्रिय खेलकुद परिषद् (राखेप) को स्वीकृति लिनुपर्ने कानूनी व्यवस्था भएपनि स्वीकृति नलिइएको पाइएको मन्त्रालयले विज्ञप्ती जनाएको छ । यसबाहेक मन्त्रालयले राखेपलाई एन्फामाथि कारवाही गर्न र गृह मन्त्रालयलाई आवश्यक स्वीकृति पछि मात्र प्रस्थान गर्न दिन आग्रह गरेको छ ।

April 14, 2024

इंग्ल्यान्ड ‘सी’ सँग खेल्ने प्रारम्भिक टोलीमा २८ खेलाडी

काठमाडौ ( हाम्रो खेलकुद)- इंग्ल्यान्ड ‘सी’ विरुद्ध हुने मैत्रीपूर्ण खेलका लागि प्रारम्भिक टोलीको घोषणा भएको‌ छ। नेपाली राष्ट्रिय टोलीका मुख्य प्रशिक्षक भिन्सेन्जो अल्बर्टो एनिसले आइतबार २८ सदस्यीय प्रारम्भिक टोली घोषणा गरेको अखिल नेपाल फुटबल संघ (एन्फा) ले सामाजिक सन्जाल मार्फत जानकारी दिएको छ। अल्डरसट टाउन एफसीको रंगशाला इबिबीमा वैशाख २४ गते बीच मैत्रीपूर्ण फुटबल हुनेछ।  […]

April 14, 2024

क्यासी स्पोर्टसलाई यु १३ फुटबल उपाधि

गोरखा (हाम्रो खेलकुद)- क्यासी स्पोर्टस् एकेडेमी यु-१३ राष्ट्रिय फुटबल प्रतियोगिताको उपाधि जितेको छ । द ओसन क्लबको आयोजनामा गोरखा नगरपालिका–९ स्थित एस्ट्रो टर्फमा शनिबार थ्री स्टार क्लबलाई पेनाल्टी सुट आउटमा ३-२ ले हराउँदै क्यासी च्याम्पियन बनेको हो ।निर्धारित समयमा १–१ को बराबरी भए पछि खेल पेलान्टी सुटआउटमा गएको थियो । क्यासी २० हजार रुपैयाँ, ट्रफी […]

April 14, 2024

ब्रुनोको दुई गोलमा युनाइटेड हारबाट जोगियो

एजेन्सी – कप्तान तथा मिडफिल्डर ब्रुनो फर्नान्डेसले दुई गोल गरेपछि म्यानचेस्टर युनाइटेड इंग्लिस प्रिमियर लिगमा हारबाट जोगिएको छ । खेलमा दुईपटक पछि परेको स्थितिमा ब्रुनोले दुई गोल गरेपछि युनाइटेडले घरेलु टोली बर्नमाउथसँग २–२ गोलको बराबरी खेलेको हो । बर्नमाउथका डोमिनिक सोलांके र जस्टिन क्लुइभर्टले गोल गरेपनि जित निकाल्न सकेन । बर्नमाउथमा शनिबार राति भएको खेलको […]

Success

Thank you for your time.