default_image

1 month ago

March 17, 2024

भिनिसियस र भाल्भेर्डे चम्कँदा रियल म्याड्रिडको जित

एजेन्सी – ब्राजिली फरवार्ड भिनिसियस जुनियर र उरुग्वेली मिडफिल्डर फेडरिको भाल्भेर्डेको सानदार प्रदर्शनमा स्पेनिस ला लिगाको शीर्षस्थानमा रहेको रियल म्याड्रिडले सहज जित हात पार्दै उपाधि यात्रालाई थप मजवुत बनाएको छ । रियलले घरेलु टोली ओसासुनामाथि ४–२ को सहज जित निकाल्दै उपाधि शीर्षस्थानमा १० अंकको अग्रता बनाउँदै उपाधि यात्रा थप मजवुत बनाएको हो । पाम्पलोनामा शनिबार […]

736 views

0 Bookmark

एजेन्सी – ब्राजिली फरवार्ड भिनिसियस जुनियर र उरुग्वेली मिडफिल्डर फेडरिको भाल्भेर्डेको सानदार प्रदर्शनमा स्पेनिस ला लिगाको शीर्षस्थानमा रहेको रियल म्याड्रिडले सहज जित हात पार्दै उपाधि यात्रालाई थप मजवुत बनाएको छ ।

रियलले घरेलु टोली ओसासुनामाथि ४–२ को सहज जित निकाल्दै उपाधि शीर्षस्थानमा १० अंकको अग्रता बनाउँदै उपाधि यात्रा थप मजवुत बनाएको हो ।

पाम्पलोनामा शनिबार राति भएको खेलमा रियलको सहज जितमा भिनिसियसले दुई तथा ड्यानी कार्भाजल र ब्राहिम डियाजले समान एक गोल गरे । भाल्भेर्डेले ३ असिस्ट प्रदान गरे । ओसासुनाका एन्टी बुडीमिर र इकर मुनोजले एक गोल फर्काए ।

खेलको चौथो मिनेटमा नै भिनिसियसको गोलबाट रियलले अग्रता लिन सफल भएको थियो । एलेहान्द्रो काटिनाबाट बल खोस्दै भिनिसियसले गोल गर्न सफल भएका थिए । तर, रियलको त्यो अग्रता लामो समय टिकेन ।

सातौं मिनेटमा एन्टीले गोल गर्दै खेललाई १–१ गोलको बराबरीमा ल्याए । कर्नरबाट आएको बल क्लियर हुन नसक्दा क्लोज रेन्जमा रहेका ओसासुनाका सर्वाधिक गोलकर्ता एन्टीले सहजै गोल गरे ।

१८औं मिनेटमा कप्तान ड्यानी कार्भाजलले गोल गर्दै रियललाई २–१ ले अघि बढाए । भाल्भेर्डेको सुन्दर पासमा कार्भाजलले उस्तै सुन्दर फिनिस गर्न सफल भए । ४१औं मिनेटमा रियलका गोलरक्षक एन्ड्री लुनिनले अर्नेइजको प्रहारलाई विफल पारे ।

६१औं मिनेटमा ब्राहिम डियाजले गोल गर्द रियललाई ३–१ को अग्रता दिलाए । भाल्भेर्डेको लामो पासमा उनलै मैदानको लगभग मध्यभागबाट एक्लै बल अघि बढाउँदै गोल गर्न सफल भएका थिए ।

६४औं मिनेटमा भिनिसियसले व्यक्तिगत दोस्रो तथा टोलीका लागि चौथो गोल गर्दै रियललाई सहज जिततर्फ अघि बढाए । रुडिगरबाट आएको पासलाई भाल्भेर्डेले चेस्टमार्फत चलाखी पूर्ण पास दिदा भिनिसियसले गरेको प्रहारले गोलरक्षक सजियो हेरेरालाई बिट गर्दै विस्तारै जाली चुम्दा जर्ज हररान्डोले बचाउने हर प्रयास गरेपनि सफल हुन सकेन ।

८८औं मिनेटमा रियलका लुकास भास्क्वेजको गोलले भिएआरबाट मान्यता पाएन । इन्ज्युरी समयको थप गरिएको पहिलो मिनेटमा मुनोजले गोल गर्दै खेललाई ४–२ को स्थितिमा ल्याए । इन्ज्युरी समयको थप गरिएको तेस्राे मिनेटमा आर्दा गुलरले गाेलरक्षक अघि बढेकाे अवस्थामा मैदानकाे मध्य भागबाट गरेकाे प्रहार क्रसबारमा लागेर फर्कदा रियलले गाेलअन्तर बढाउन सकेन ।

यस जितसँगै रियलले ला लिगामा आफ्नो अपराजित यात्रालाई २३ खेलसम्म लम्ब्याएको छ । २५ सेप्टेम्वर २०२३ मा शहरी प्रतिद्धन्द्धी एट्लेटिको मड्रिडसँग ३–१ ले पराजित भएयता रियल अपराजित छ । जसमा १७ जित र ६ बराबरीको नतिजा छ ।रियलले यो सिजन ला लिगामा २९ खेल खेल्दा २२ जित र ६ बराबरीको नतिजा निकाल्दा १ खेलमा मात्रै हार बेहोरेको छ ।

यस जितले रियलले शीर्षस्थानमा १० अंकको अग्रता बनाएको छ । रियलको २९ खेलबाट ७२ अंक पुगेको छ । समान खेलबाट जिरोनाको ६२ अंक छ । एक खेल कम खेलेको बार्सिलोनाको ६१ अंक छ । पराजिता ओसासुना ३६ अंक जोडेर ११औं स्थानमा छ ।

ला लिगाकै अर्काे खेलमा जिरोना घरेलु टोली गेटाफेसँग १–० ले स्तब्ध हुँदा शीर्षस्थानको रियलसँगको अंक दुरी छोट्याउने मौका गुमाएको छ । अब एक खेल कम खेलेको बार्सिलोनाले आफ्नो खेलमा सफलता हात पारे जिरोना तेस्रो स्थानमा पुग्नेछ ।

ला लिगाकै अर्काे खेलमा मलोर्काले ग्रानडालाई १–० ले पराजित गरेको छ । यस्तै एथलेटिको क्लब बिल्वाअले डिपोर्टिभो एलाभेसलाई २–० ले हराएको छ ।

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.