4 months ago
April 4, 2024
विराटनगर( हाम्रो खेलकुद) – आठौं विराट गोल्डकप फुटबल प्रतियोगिताको उपाधिको लागि मच्छिन्द्र फुटबल क्लब र घरेलु टोली सांग्रिला मोरङ एफए बीच प्रतिस्पर्धा हुने भएको छ।
विराटनगर सहिद मैदानमा बिहीबार राती भएको अन्तिम सेमिफाइनलमा सिक्किम ड्रागन भारतलाई १–० ले पराजित गर्दै मच्छिन्द्रले सांग्रिलासँगको उपाधि भिडन्त पक्का गरेको हो ।
मच्छिन्द्रका आयुष घलानले इन्ज्युरी समयको चौथो मिनेटमा निर्णाय गोल गरे । वैकल्पिक खेलाडी मनिष डाँगीले निकालेको पासमा आयुषले गोल गर्दै टोलीको अन्तिम दुईको यात्रा निश्चित गरे। हिसुब थपलियाको ठाउँमा मनिष दोस्रो हाफमा मैदान प्रवेश गरेका थिए । आयुष प्लेयर अफ द म्याच पनि घोषित भए र उनले ११ हजार रुपैयाँ पाए ।
सिक्किमका प्रशिक्षक कुन्जन भुटियाले खेलाडीहरुको फिनिसिङ पक्ष कमजोर भएको कारणले हार भएको बताए । ‘निर्धारित ९० मिनेटपछि थप गरिएको समयको अन्तिम एक मिनेट लेफसाइट कमजोर हुँदा गोल खानुपर्यो । त्यो हाम्रो कमजोरी पक्ष रह्यो,’ उनले भने, ‘अन्तिम समयमा आएर खेलाडीहरु सम्हालिन सकेनन्।’
मच्छिन्द्रका प्रशिक्षक सन्तोष न्यौपानेले पहिलो हाफमा थुप्रै अवसर गुमाएको कारणले दोस्रो हाफमा रणनीति परिवर्तन गरेर विपक्षीलाई दबाबमा राख्न सफल भएको बताए । ‘फिनिसिङ पक्ष हाम्रो सोचेजस्तो भएन । त्यसैले खेल लम्बिएर जितको लागि अतिरिक्त समयसम्म कुर्नुपर्यो । ’ फाइनलमा विमल घर्तीमगरलाई ल्याउने प्रयास गरिने बताए ।
विराट गोल्डकपको विजेताले ११ लाख र दोस्रो टोलीले ५ लाख ५० हजार रुपैयाँ पाउनेछ । उत्कृष्ट प्रशिक्षकलाई, उत्कृष्ट गोलरक्षकलाई, सर्वाधिक गोलकर्तालाई समान २१ हजार रुपैयाँ पुरस्कार प्रदान गर्नेछन् । सर्वोत्कृष्ट खेलाडीले मोटरसाइकल पाउनेछन् ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]