4 months ago
April 5, 2024
एजेन्सी – लिभरपुल पुन: इंग्लिस प्रिमियर लिगको शीर्ष स्थानमा उक्लिएको छ ।
लिग अंकतालिकाको पुछारमा रहेको सेफिल्ड युनाइटेडलाई बिहीबार ३-१ ले हराउँदै लिभरपुल लिगको शीर्ष स्थानमा फर्किएको हो ।
घरेलु मैदान एनफिल्डमा खेल सुरु भएको १७ औं मिनेटमा लिभरपुलले अग्रता लिएको थियो। सेफिल्डका गोलकिपर इभो ग्रबिकले प्रहार गरेको गोलकिकलाई डार्विन नुनेजले ब्लक गर्दा बल गोलमा परिणत भएको थियो।
५८ औं मिनेटमा लिभरपुलका कोनर ब्राडलीले आफ्नै आत्माघाती गोल गरेपछि खेलमा १-१ को बराबरी भएको थियो ।
लिभरपुलका एलेक्सिस म्याक एलिस्टरले ७६औं मिनेटमा पेनाल्टी बक्स बाहिरबाट गोल गरेपछि टोलीले दोस्रो पटक अग्रता बनाएको थियो। अन्तिम मिनेटमा कोडी गाक्पोले गोल गरेपछि लिभरपुलको जित सहज बनेको थियो।
घरेलु मैदानमा पछिल्ला २७ खेलमा अपराजित रहेको लिभरपुलको ३० खेलमा ७० अंक पुगेको छ। यो दोस्रो स्थानको आर्सनलको भन्दा २ अंक बढि हो। सेफिल्ड १५ अंकसहित तालिकाको पुछारमा छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]