एजेन्सी – ला लिगा प्रतिद्धन्द्धी मलोर्कालाई टाइब्रेकरमा पराजित गर्दै एथलेटिको बिल्वाओ ४० वर्षपछि कोपा डेल रेको च्याम्पियन बनेको छ ।

बिल्वाआले टाइब्रेकरमा ४–२ को जित निकाल्दै कोपा डेल रेको च्याम्पियन बन्न सफल भएको हो । निर्धारित समयमा १–१ र त्यसपछि अतिरिक्त समयमा पनि गोल निस्कन नसकेपछि खेल टाइब्रेकरमा लम्बिदा बिल्वाओ सफल रह्यो ।

टाइब्रेकरमा बिल्वाओका राहुल गार्सिया, इकर मुनिएन, मकेल भेस्गा र एलेक्स बेरेनगुएरले गोल गरे । मलोर्काका भिडाट मुरिकि र एन्टोनियो सान्चेजले मात्रै गोल गर्न सफल भए । मनु मोरलेन्स र नेमान्जा राडोनजिकले गोल गर्न सकेनन् ।

त्यसअघि सेभियामा शनिबार राति भएको खेलमा २१औं समनेटमा ड्यानियल रोड्रिग्वेजको गोलबाट मलोर्काले अग्रता लिन सफल भएको थियो । ५०औं मिनेटमा ओइहान सान्सेटले बराबरी गोल फर्काएपछि खेल अतिरिक्त समय र टाइब्रेकरमा लम्बिएको थियो ।

बिल्वाओको यो समग्रमा २४औं कोपा डेल रे उपाधि हो । बिल्वाओ ४० वर्षपछि कोपा डेल रेको च्याम्पियन बन्न सफल भएको हो । यसअघि बिल्वाओले सन् १९८३–८४ को सिजनमा उपाधि जितेको थियो ।

त्यसपछि बिल्वाओले यो सहित सातपल्ट फाइनल खेल्दा पछिल्ला ६ मा उपविजेतामा सीमित बन्न पुगेको थियो । बिल्वाओ पछिल्लो दुईसंस्करण उपविजेतामै सीमित बनेको थियो ।