default_image

1 month ago

April 10, 2024

आयोजकलाई स्तब्ध पार्दै पुलिस सेमिफाइनलमा

1611 views

0 Bookmark

सुनिल गाउँले, सिमरा

विभागीय टोली नेपाल पुलिस क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा बुधबार भएको क्वाटरफाइनलमा पुलिसले आयोजक नवजनजागृती युवा क्लब सिमरालाई २–१ ले पराजित गर्दै पुलिसले अन्तिम चारमा पुगेको हो ।

पुलिसको जितमा दुवै गोल उज्वल राईले गरेका थिए । आयोजक टोलीका लागि मोहित गुरुङले पेनाल्टीमा गोल गरेका थिए ।
खेलको तेस्रो मिनटमै आयोजकविरुद्ध पुलिसले अग्रता बनाएको थियो । आयोजकको समर्थनमा रंगशालामा उपस्थित झन्डै ८ हजार घरेलु दर्शकलाई निराश पार्दै पुलिसका लागि उज्वलले गोल गरे । आयोजकका डिफेण्डर बिट गर्न सफल सुजन मगरको पासमा उज्वलले गोल गरेका थिए ।

तर अग्रता लामो समय टिकेन । पाँचौ मिनटमा पेनाल्टी मार्फत गोल गर्दै आयोजक खेलमा फर्कियो । पुलिसका निरज खड्काले आयोजक टोलीका मोहित गुरुङलाई पेनाल्टी बक्स भित्र फाउल गरेपछि फिफा रेफ्री प्रज्वल थापामगरले आयोजकलाई पेनाल्टी दिएका थिए । मोहितले पेनाल्टीमा गोल गर्दै आयोजक टोलीलाई खेलमा फर्काएका थिए ।

खेलको १९ औं मिनटमा उज्वलले गोल गर्दै पुलिसलाई दोस्रो पटक अग्रता दिलाएका थिए । पेनाल्टी बक्स बाहिरबाट आयोजकका डिफेण्डर बिट गर्दै बल अघि बढाएका उज्वले गोल गरेका थिए । प्रतिष्पर्धात्मक खेलको पहिलो हाफमा भएको गोलनै पुलिसको जितमा निर्णायक बन्यो । दुबै टिमले अन्तिमसम्म संघर्ष गरेका थिए ।

खेलमा दुबै टोलीले अवसरहरु सिर्जना गरेपनि गोल गर्न सकेनन् । ११ औं मिनटमा पुलिसका उज्वलले पेनाल्टी बक्समा पाएका अवसर खेर फाले । सुजन मगरको पासमा उज्वलले गरेको प्रहार फस्टबार नजिकबाट बाहिरिएको थियो । १२ औं मिनटमा आयोजकले गोल गर्ने अवसर गुमायो । निरज कार्कीले पुलिसका गोलरक्षक समेत विट गरिसकेको अवस्थामा गरेको प्रहार पुलिसका डिफेण्डर शिशिर चौधरीले उत्कृष्ट हेडिङ गर्दै गोललाईनबाट क्लिएर गरेका थिए ।

खेलको ८८ औं मिनटमा पुलिसका आशिष राईले वन भर्सेन वनको अवसर खेर फाले । सेन्टर लाईनबाट एक्लै बल अघि बढाएका आशिष फिनिसिङमा चुक्दा आयोजकका डिफेण्डरले रोक्न सफल भए ।

इन्ज्युरी समयमा बराबरी गर्ने अवसर आयोजकले सदुपयोग गर्न सकेन । विवेक गुरुङको पासमा मोहितको हेडिङ बल क्रसबार माथिबाट बाहिरीयो । पुलिसका उज्वल राई प्लेयर अफ दी म्याच घोषित भए र उनले शुभारम्भ कलेज अफ म्यानेज्मेन्टले प्रायोजन गरेको १० हजार रुपैयाँसहित ट्रफि प्राप्त गरे ।

प्रतियोगितामा नेपाल एपिएफ फुटबल क्लब र फ्रेण्ड्स क्लबबीच अन्तिम क्वाटरफाइनल खेल हुनेछ ।

May 18, 2024

एडर्सनले दुई महत्वपूर्ण खेल गुमाउने

एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]

May 17, 2024

बागमती सि डिभिजनको शीर्ष स्थानमा

एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]

May 17, 2024

रोनाल्डो बने सर्वाधिक कमाउने खेलाडी

एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]

Success

Thank you for your time.