default_image

1 month ago

April 11, 2024

हावाहुरीका कारण एपिएफ र फ्रेण्डसबीचको खेल स्थगित

694 views

0 Bookmark

सुनिल गाउँले,सिमरा
सिमरामा जारी जगदम्बा स्टिल १४ औं जीतपुरसिमरा गोल्डकपको अन्तिम क्वाटर फाइनल खेल बिहीबार तीव्र हावाका कारण स्थगित भएको छ ।

सिमरा रंगशालामा एपिएफ फुटबल क्लब र फ्रेण्डस क्लबबीचको खेल चलिरहेका बेला तीव्र गतिमा हावाहुरी चलेपछि आयोजक र अफिसियलले खेल स्थगित गर्ने निर्णय लिएका हुन् । खेल रोकिँदा गोलरहित बराबरी थियो।

५८ औं मिनटपछि रेफ्रि उमेश विंडारीले खेल रोक्ने संकेत गरेका थिए । सिमरा रंगशालाको फ्लड लाइटमा खेल चलिरहँदा एक्कासी तिव्र गतिमा हावाहुरी आएको थियो । रंगशालामा राखिएको होडिङ बोर्ड उडेर लाग्दा एकजना दर्शक घाइते समेत भएका छन् ।

५८ औं मिनटपछिको स्थगित खेल शुक्रबार विहान ८ः३० बजेपछि शुरु हुनेछ । स्थगित हुनुअघिको खेल निकै प्रतिस्पर्धाात्मक बनेको थियो । मकवानपुर ११ हेटौंडालाई पराजित गर्दै क्वाटरफाइनलमा स्थान बनाएको एपिएफ र सिधै क्वाटर फाइनल खेल्न सिमरा रङ्गशालामा उत्रिएको फ्रेण्ड्स क्लब दुबैले थुप्रै अवसर सिर्जना गरेपनि गोल गर्न सकेनन् ।

खेलको ११ औं मिनटमा एपिएफले अग्रता लिने अवसर गुमाएको थियो । शरण बस्नेतले पेनाल्टी बक्स भित्र दिएको उत्कृष्ट पासलाई बुद्धिमान राईले सदुपयोग गर्न सकेनन् । उनको फितलो प्रहार फ्रेण्ड्सका गोलरक्षक अभिषेक बरालले सहज रुपमा बचाउ गरे ।

खेलको १३ औं मिनटमा फ्रेण्ड्सका साइमन लिम्बुले वन भर्सेस वनको स्थिती सदुपयोग गर्न सकेनन् । पेनाल्टी बक्स बाहिर पाएको बललाई अघि बढाएपनि साइमनले पोष्टको दिशा दिन नसक्दा एपिएफका डिफेण्डरले सुमन श्रेष्ठले क्लिएर गर्ने मौका पाए ।

त्यस लगतै खेलको १५ औं मिनटमा फ्रेण्ड्सले अर्को सुन्दर मौका गुमायो । कुशल देउवाले पेनाल्टी एरियामा निकालेको पासमा एन्जल महर्जनको प्रहार क्रसबार माथि गयो ।

खेलको १८ औं मिनटमा एपिएफका अनिश महर्जनले पेनाल्टी बक्स भित्रै पाएको अवसर खेर फाले । प्रदिप लामाको क्रसमा अनिशको प्रहार फ्रेण्ड्सका गोलरक्षकले पञ्च गरेर जोगाए ।

खेलको २६ औं मिनटमा एपिएफको अर्को सशक्त प्रहार फ्रेण्ड्सका गोलरक्षक अभिषेकले बचाउ गरे । बिके तामाङको कट ब्याकमा पेनाल्टी एरियाबाट प्रदिप लामाको सशक्त प्रहार फ्रेण्ड्सका गोलरक्षक अभिषेकले उत्कृष्ट बचाउ गरेका थिए ।

खेलको ४२ औं मिनटमा फ्रेण्ड्सका एन्जल महर्जनको प्रहार क्रसबारबाट रिबाउण्ड भयो । साइमन लिम्बुको कर्नर बलमा प्रशान्त अवस्थीको हेडिङ पासलाई एन्जलले शसक्त प्रहार गरेका थिए । रिबाउण्ड बलमा दिपेश घलेको अर्को प्रहार क्रसबारबाट माथि गयो ।

May 18, 2024

एडर्सनले दुई महत्वपूर्ण खेल गुमाउने

एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]

May 17, 2024

बागमती सि डिभिजनको शीर्ष स्थानमा

एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]

May 17, 2024

रोनाल्डो बने सर्वाधिक कमाउने खेलाडी

एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]

Success

Thank you for your time.