default_image

1 month ago

April 16, 2024

पुलिस जीतपुरसिमरा गोल्डकप च्याम्पियन

3158 views

0 Bookmark

सुनिल गाउँले, सिमरा

नेपाल पुलिस क्लबले जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधि जितेको छ । सिमरा रंगशालामा सोमबार भएको प्रतिस्पर्धात्मक फाइनल खेलमा मच्छिन्द्र क्लबलाई टाइब्रेकरमा ४–३ ले हराउँदै पुलिसले वर्षको पहिलो उपाधि जितेको छ ।

निर्धारित ९० मिनेट र थप समय गोलरहित बराबरीमा टुंगिएपछि टाइब्रेकरमा पुलिसले बाजी मारेको थियो । परिवर्तित गोलकिपर अमित टमाटाले दुई पेनाल्टी रोकेपछि पुलिस जीतपुरसिमरा गोल्डकपको च्याम्पियन बनेको थियो । ८ वर्षपछि फाइनल पुगेको पुलिस विजेता बन्न सफल भएको हो । छैटौं संस्करणको फाइनलमा पुलिस आर्मीसँग पराजित भएको थियो ।

सोमबार फाइनल पेनाल्टी सुट आउटमा जाने सम्भावना देखेपछि पुलिसका प्रशिक्षक चेतन घिमिरेले सन्चित श्रेष्ठको ठाँउमा अमितलाई पठाएका थिए । अमितरले मच्छिन्द्रका सौरभ लिम्बु र चन्दन दासको प्रहारलाई रोकेका थिए । मच्छिन्द्रका विशाल तामाङ, दिवाकर चौधरी, सनिस श्रेष्ठले गोल गरे । पुलिसका लागि कप्तान रामचन्द्र वाजे, पुजन राई, सुजन मगर, आशिष राईले गोल गरेका थिए ।

मच्छिन्द्र निर्धारित समयको अन्त्यतिर ९ खेलाडीमा सिमित भएको थियो । उत्सव राईले ८४ औं मिनेटमा सिधै रातो कार्डको सामना गर्दै मैदानबाट बाहिरिनु परेको थियो । ८८ औं मिनेटमा मनिष डाँगीले ८८ औं मिनेटमा दोहोरो पहेलो कार्डको सामना गर्दै मैदान छाड्नु परेको थियो ।

पुलिसका अमित फाइनलका प्लेयर अफ दी म्याच घोषित भएका थिए । पुलिसका सन्जित उत्कृष्ट गोलकिपर घोषित भए । पुलिसका उज्वल राई र वीरगन्जका फागुराम चौधरी समान २ गोलका साथ उच्चगोल कर्ता बने । उत्कृष्ट र उच्चगोलकर्ताले समान २५ हजार रुपैयाँ प्राप्त गरे । मच्छिन्द्रका विमल घर्तीमगर सर्वोत्कृष्ट खेलाडी घोषित भए र उनले टिभिएसको स्कुटी प्राप्त गरे ।

नव जनजागृती युवा क्लबले आयोजना गरेको प्रतियोगिताको विजेता पुलिसले ट्रफीसहित १० लाख र मच्छिन्द्रले ५ लाख रुपैयाँ प्राप्त गर्यो । सांघीय सांसद कृष्णकुमार श्रेष्ठ (किसान), महानायक राजेश हमाललगायतले पुरस्कृत गरे ।

जीतपुरसिमरा गोल्डकपको हाल सम्मका विजेता
२०८०
– नेपाल पुलिस क्लब
२०७९– चर्च ब्वाईज युनाईटेड
२०७८ – न्युरोड टिम एनआरटी
२०७७ – संकटा क्लब
२०७५ – थ्रीस्टार क्लब
२०७४ – त्रिभुवन आर्मी
२०७३ – संकटा क्लब
२०७२ – विजय युथ क्लब हेटौंडा
२०७१ – त्रिभुवन आर्मी क्लब
२०७० – नव जनजागृति युवा क्लब सिमरा
२०६९ – मनाङ मस्र्याङदी क्लब
२०६८ – मनाङ मस्र्याङदी क्लब
२०६७ – हिमालयन शेर्पा क्लब
२०६६ – मजदुर सहिद स्मृति क्लब

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.