default_image

1 month ago

April 20, 2024

माने चम्कँदा अल नासरको पूनरागमन जित

1160 views

0 Bookmark

एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ ।

घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल फयाका फेसन सकलाको गोल सान्त्वना बन्यो ।

अल अवाल पार्कस्थित किङ साउद युनिभर्सिटी रियादमा शुक्रबार राति भएको खेलको छैटौं मिनेटमा फेसन सकलाले गोल गरेपछि अल नासर खेलमा पछि पर्यो ।

४२औं मिनेटमा पेनाल्टीको अवसर पाएपनि माने असफल हुँदा अल नासर खेल बराबरी गर्नबाट चुक्यो । त्यसपछि अल नासरले १० मिनेटको अन्तरमा तीन गोल गर्दै खेलमा ३-१ को अग्रता कायम गर्यो । अल नासरले बराबरी गोलको लागि ७२औं मिनेटसम्म कुर्नुपर्यो ।

७२औं मिनेटमा अब्दुलेह अल एम्रीले गोल गर्दै खेललाई १-१ गोलको बराबरीमा ल्याए । उनले एलेक्स टेलासको पासलाई सदुपयोग गरे । ७६औं मिनेटमा मानेले गोल गरेपछि अल नासरले खेलमा २-१ को अग्रता लिन सफल भयो । उनले ओटाभियोको पासमा गोल गर्न सफल भए ।

८२औं मिनेटमा मानेले व्यक्तिगत दोस्रो तथा टोलीका लागि तेस्रो गोल गर्दै अल नासरलाई पूनरागमन जित दिलाए । उनले यसपटक अब्दुल्लाह अल्खाइवारीको पासलाई सदुपयोग गरे ।

खेलको अन्त्यतिर भने पाहुना टोली अल फया १० खेलाडीमा समेटियो । ८८औं मिनेटमा फेसन सकला सिधै रातो कार्ड खाँदै मैदानबाट बाहिरिए ।

प्रतिबन्धका कारण भेट्रान फरवार्ड क्रिष्टियानो रोनाल्डो अल फयाविरुद्ध टोलीमा थिएनन् । चोटका कारण अर्का फरवार्ड एन्डर्सन टलिस्का पनि टोलीमा थिएनन् । तर, पनि अल नासरले पूनरागमन जित निकाल्न सफल भयो ।

यस जितले अल नासर २८ खेलबाट ६८ अंक जोडेर दोस्रो स्थानमा यथावत छ । अल नासर शीर्षस्थानको अल हिलालसँग ९ अंकले पछि छ । अल हिलालले एक खेल कम खेलेको छ । पराजित अल फया २८ खेलबाट ३५ अंक जोडेर ११औं स्थानमा छ ।

साउदी प्रो लिगकै अन्य खेलमा अल फाते एफसीले अल रेइडलाई ३-१, अल सवावले अभालाई ५-० ले तथा अल ताईले अल रियादलाई २-१ ले पराजित गरेको छ । अल तावन र अल खालिजले १-१ गोलको बराबरी खेलेका छन् ।

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.