विराटनगर (हाम्रो खेलकुद) – घरेलु टोली टिडब्ल्यु विराटनगरलाई हराउँदै झापाको कनकाई स्पोर्टिङ क्लब चौंथो मिल्स गोल्डकप फुटबल प्रतियोगिताको सेमिफाइलनमा पुगेको छ ।

विराटनगर जुटमिलको खेलमैदानमा आइतबार भएको खेलमा टिडब्ल्युलाई २–१ हराउँदै कनकाई अन्तिम चारमा पुगेको हो । कनकाईका लागि दुवै गोल सन्दीप रसाइलीले गरेका थिए । सन्दीप रसाइली खेलको म्यान अफ दी म्याच घोषित भए । टिडब्ल्युका आशिष राईले गोल गरेका थिए ।

कनकाइले पूनरामगन जित निकालेको थियो । २७ औं मिनेटमा आशिषको गोलबाट टिडब्ल्युले अग्रता लिएको थियो । झापाका खेलाडीको खुट्टामा लागेर रिबाउन्ड भएको बललाई आषिकले गोल गरेका थिए । ५० औं मिनेटमा सन्दीपले बराबरी गोल गर्दै कनकाईलाई खेला फर्काएका थिए ।

निर्धारित समय सकिन २ मिनेट बाँकी रहँदा आषिशले गोल गरे र खेलको निर्णायक त्योहि गोल रह्यो । श्याम मुर्मुलाई टिडब्ल्युका खेलाडीले डिबक्स फाउल गरेपछि रेफ्री मदन काफ्लले कनकाईलाई पेनाल्टी दिएका थिए ।

नवौं मिनेटमा टिडब्ल्युका मनोज खड्काले पेनाल्टी बक्स भित्रबाट गरेको प्रहारलाई कनकाईका गोलकिपर सन्तोष दनवारले पन्च गर्दै बल बार माथिबाट पठाए । ११ औं मिनेटमा कनकाईका श्यामको प्रहार टिडब्ल्युका गोलकिपर पूर्ण च्याम्जुङले रोके । ४१ औं मिनेटमा कनकाइका श्यामले पेनाल्टी बक्स भित्रबाट गरेको प्रहार बाहिरियो ।

कनकाइले बुधबार हुने पहिलो सेमिफाइनल एपीएफ फुटबल क्लबको सामना गर्नेछ । प्रतियोगितामा सोमबार अन्तिम क्वारटफाइनलमा कोशी प्रदेश प्रहरी कार्यालय रानी विराटनगर र पूर्व विजेता गोलबजार स्पोर्टिङ क्लबबीच प्रतिस्पर्धा हुनेछ ।