सुर्खेत (हाम्रो खेलकुद)– गण्डकी प्रदेशले महिला लिग छनोटमा दोस्रो खेलमा पहिलो जित हासिल गरेको छ । सुर्खेतस्थित प्रदेश रंगशालामा आइतबार भएको एक माात्र खेलमा गण्डकीले लुम्बिनी प्रदेशलाई ४–२ ले हराएको छ ।

गण्डकीका लाग संगिता विक र सुक्रिया मियाले तथा लुम्बिनीका लागि कप्तान ममता पुनले समान २ गोल गरेका थिए ।
संगिताको गोलबाट नवौं मिनेटमा गण्डकीले अग्रता लिएको थियो । लुम्बिनीकी ममताले १७ औं मिनेटमा गोल गर्दै टोलीलाई खेलमा फर्काएका थिइन् ।

२८ औं मिनेटमा सुक्रियाले गोल गर्दै पहिलो हाफमा गण्डकी २–१ ले अगाडि लागेको थियो । ४७ औं मिनेटमा संगिताले गोल गरेपछि गण्डकी थप मजबुत बनेको थियो । सुक्रियाले ७६ औं मिनेटमा अर्को गोल गरेपछि गण्डकी ४–१ ले अघि बढेको थियो । खेल सकिन ७ मिनेट बाँकी रहँदा लुम्बिनीका लागि ममताले अर्को गोल गरेपनि त्यसले नतिजामा फरक परेन ।

७ प्रदेशको सहभागिता रहेको प्रतियोगितामा सुदूरपश्चिम प्रदेश, कर्णाली प्रदेश र मधये प्रदेशले आ आफ्नो पहिलो खेल जितेका थिए । पहिलो दिन शुक्रबार सुदूरपश्चिमले गण्डकीलाई ५–० ले र सोही दिन कोशीले कर्णाली प्रदेशलाई ३–० ले पराजित गेको थियो ।

दोस्रो दिन शनिबार मधेशले बागमती प्रदेशलाई ४–० ले हराएको थियो । छनोटमा सोमबार सुदूरपश्चिम र कोशी तथा कर्णाली र मधेशबीच प्रतिस्पर्धा हुनेछ ।