default_image

4 weeks ago

April 22, 2024

‘एल क्लासिको’ मा रियलको‌ जित

886 views

0 Bookmark

एजेन्सी – स्पेनिस ला लिगाको एल क्लासिकोमा रियल मड्रिड विजयी भएको छ । आइतबार भएको खेलमा जुड बेलिङ्घमले इन्ज्युरी समयमा गरेको निर्णायक गोलमा रियलले बार्सिलोनालाई ३-२ ले हरायो छ।

बार्सिलोनाले दुई पटकको अग्रता जोगाउन सकेन। छैटौं मिनेटमा आन्द्रे क्रिष्टिन्सनले गोल गर्दै बार्सिलोनालाई अग्रता दिलाए । उनले राफिन्हाको कर्नरलाई हेडरमार्फत गोलमा परिणत गरे । तर, १८औं मिनेटमा रियलले पाएको पेनाल्टीलाई भिनिसियस जुनियरले गोलमा परिणत गर्दै खेल बराबरीमा ल्याए ।

लुकास भाज्क्वेजलाई डिबक्सभित्र फाउल गरेपछि रियलले पेनाल्टी पाएको थियो । पहिलो हाफ १-१ गोलको बराबरीमा सकिएको खेलको ६९औं मिनेटमा फर्मिन लोपेजले गोल गरेपछि बार्सिलोनालाई दोस्रो पटक अग्रता लियो ।

त्यो अग्रता पनि लामो समय टिक्न सकेन । ७३औं मिनेटमा लुकास भाज्क्वेजले गोल गर्दै खेललाई २-२ को बराबरीमा पुर्याए । जुनियरको चलाखीपूर्ण पासमा कसैको निगरानीमा नरहेका भाज्क्वेजले गोल गरेपछि खेल थप रोमाञ्चक बनेको थियो।

इन्ज्युरी समयको दोस्रो मिनेटमा बेलिङ्घमले गोल गर्दै रियललाई घरेलु मैदान सान्टियागो बर्नाबाउमा जित दिलाए । जितपछि रियलले ३२ खेलबाट ८१ अंक जोड्दै उपाधि जित्ने सम्भावना बलियो बनाएको छ । समान खेलमा बार्सिलोना ७० अंकसहित दोस्रो स्थानमा छ ।

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.