एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् ।

गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् ।

उनले आइतबार एल क्लासिकोमा बार्सिलोनाविरुद्ध ३–२ को जितमा निर्णायक गोल गरेका थिए । उनले यो सिजन स्पेनिस ला लिगामा १७ गोल गरेका छन् ।

बेलिङहमले रियल म्याड्रिडलाई गत साता च्याम्पियन्स लिगको क्वाटरफाइनलको पेनाल्टीमा म्यानचेस्टर सिटीलाई हराउन मद्दत ग¥यो ।

लाउरेस वल्ड स्पोर्ट्सम्यान अफ द इयर अवार्ड पाँचौंपटक टेनिस खेलाडी नोभाक जोकोभिचले जितेका छन् । महिलातर्फ स्पेन र बार्सिलोनाकी मिडफिल्डर आइटाना बोनमाटीले जितेका छन् ।

हालको बालोन डी’ओर होल्डर बोनमतीले आफ्नो क्लबलाई २०२२–२३ मा लिगा एफ, स्पेनिस कप र महिला च्याम्पियन्स लिग जिताउन मद्दत गरेकी थिइन् ।

उनी त्यसपछि २०२३ को महिला विश्वकप जित्ने स्पेनको टोलीमा थिइन् । टोलीलाई म्याड्रिडमा लाउरेस समारोहमा वर्षको उत्कृष्ट टोलीको अवार्ड प्रदान गरिएको थियो ।

अवार्ड जितेपछि बोनमतीले यो महिलो अवार्ड जित्ने पहिलो फुटबलर हुनुले यसलाई अझ विशेष बनाउने बताइन् ।

यस वर्ष लौरेस अवार्ड जित्नेहरु
वर्ष पुरुष खेलाडी – नोभाक जोकोभिच
वर्ष महिला खेलाडी – आइताना बोनमती
टिम अफ द इयर – स्पेन महिला फुटबल टिम
ब्रेक थ्रु अवार्ड – जुड बेलिङहम
कमब्याक अफ द इयर – सिमोन बाइल्स (जिम्नास्टिक्स)
अपाङ्गता भएको वर्ष खेलाडी – डिडे डे ग्रुट (टेनिस)
एक्सन स्पोर्ट्सपर्सन – अरिसा ट्रू (स्केटबोर्डिङ)
स्पोर्ट फर गुड अवार्ड – राफयल नाडाल