2 weeks ago
April 27, 2024
ललितपुर– गोदावरी नगरपालिकामा प्रथम उपत्यकाव्यापी अन्तर पालिका खुल्ला मेयर कप फुटबल प्रतियोगिता शनिबारबाट सुरु भएको छ ।
गोदावरी १० टाहाखेल–झ्यालुन्टारमा अवस्थित प्रस्तावित गोदावरी बहुउद्देश्यीय रंगशालामा उद्घाटन खेलमा ललितपुरको महालक्ष्मी नगरपालिकाले आयोजक गोदावरी नगरपालिकाको ए टोलीलाई पेनाल्टी सुटआउटमा ४–२ ले हराउँदै क्वार्टरफाइनलमा पुगेको छ ।
निर्धारित ९० मिनेटको समय गोलरहित बराबरीमा टुंगिएपछि खेल सिधै पेनाल्टी सुटआउटमा गएको थियो । पेनाल्टीमा महालक्ष्मीका लागि सिद्धान्त अधिकारी , निसान राउत, सरोज राई र निसान बस्नेतले गोल गरे । गोदावरीका लागि सुवास तामाङ र सायर तामाङले मात्र गोल गरे ।
निराजन मर्हजनको प्रहारलाइ महालक्ष्मीका गोलकिपर आर्यन महर्जनले रोके भने र वाङ्गेल लामाको प्रहार बाहिरिएको थियो । महालक्ष्मीका गोलकिपर आर्यन मर्हजन म्यान अफ दि म्याच भए र उनले ५ हजार रुपैयाँ प्राप्त गरे ।
महालक्ष्मीले सेमिफाइनल प्रवेशका लागि वैशाख २१ गते दक्षिणकाली नगरपालिकाका सामना गर्नेछ । बाई पाएर दक्षिणकाली सिधै क्वार्टरफाइनलमा पुगेको हो । उपत्यका १४ पालिकाका १५ वटा टोलीले प्रतियोगितामा भाग लिएका छन् । आयोजकको दुई टोली रहेको छ ।
पूर्व प्रधानमन्त्री एवं कांग्रेस सभापति शेरबहादुर देउवाले प्रतियोगिताको उद्घाटन गरे । प्रतियोगितामा आइतबार २ खेल हुनेछन् । पहिलो खेल साढे १२ बजे कोन्ज्योसोम गाउँपालिका र नागार्जुन नगरपालिकाबीच तथा दोस्रो खेल चन्द्रागिरी नगरपालिका र बागमती गाउँपालिकाबीच दिउँसो ३ बजे हुनेछ ।
प्रतियोगिताको विजेता टोलीले ५ लाख र दोस्रो टोलीले ३ लाख रुपैयाँ प्राप्त गर्नेछ । यस्तै अनुशासित टोलीले ५० हजार तथा उत्कृष्ट गोलकिपर, डिफेन्डर , फरर्वाड, सर्वाधिक गोलकर्ता र उत्कृष्ट प्रशिक्षकले समान २५ हजार रुपैयाँ प्राप्त गर्नेछन् ।
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]