default_image

3 weeks ago

April 28, 2024

पिएसजीको नाटकीय बराबरी

553 views

0 Bookmark

एजेन्सी – उपाधि नजिक रहेको पेरिस सेन्ट जर्मेन (पिएसजी) ले फ्रेन्च लिग वानमा रेलिगेसन क्षेत्रमा संघर्षरत ले हार्भेसँग नाटकीय बराबरी खेल्दै हार टारेको छ ।

खेलको अन्त्यतिर दुई गोल गर्दै ले हार्भेसँग ३–३ गोलको बराबरी खेल्दै पिएसजीले हार टारेको हो । ले हार्भेका क्रिस्टोफेर ओपेरी, आन्द्रे एयु र अब्दुलाए टाउरेले गोल गरे । पिएसजीका ब्राड्ले बार्काेला, अचरफ हाकिमी र गोन्कालो रामोसले बराबरी गोल फर्काए ।

पार्क डेस प्रिन्सेसमा शनिबार राति भएको खेलका ओपेरीले गोल गरेपछि पिएसजी खेलमा पछि पर्यो । २९औं मिनेटमा बार्काेलाले गोल गर्दै खेललाई १–१ गोलको बराबरीमा ल्याए । ३८औं मिनेटमा आन्द्रेले गोल गरेपछि पिएसजी खेलमा २–१ ले पछि पर्यो ।

६१औं मिनेटमा टाउरेले गोल गरेपछि ले हाभ्रेले घरेलु टोली पिएसजीविरुद्ध ३–१ को अग्रता कायम गर्यो । त्यसपछि परिवर्तित खेलाडी गोन्कालो रामोस नायक बने । उनले एक गोल र एक असिस्टप्रदान गर्दै पिएसजीलाई हारबाट बचाए ।

७८औं मिनेटमा हाकिमीले गोल गर्दै पिएसजीलाई खेलमा फर्काउने संकेत दिए । उनले ६२औं मिनेटमा मैदान छिरेका रामोसको पासमा गोल गर्न सफल भए । त्यसपछि इन्ज्युरी समयको थप गरिएको पाँचौं मिनेटमा रामोसले गोल गर्दै पिएसजीलाई ३–३ गोलको बराबरीमा ल्याए ।

यस बराबरीसँगै पिएसजीले उपाधि जित्न अझै कुर्नुपर्ने भएको छ । यस खेलमा सफलता हात पारेको भए पिएसजी च्याम्पियन बन्ने थियो । यस बराबरीसँगै शीर्षस्थानमा रहेको पिएसजी ३१ खेलबाट ७० अंक छ । दोस्रो स्थानमा रहेको मोनाकोको ५८ अंक छ । ले हार्भे २९ अंकसहित १५औं स्थानमा छ ।

May 20, 2024

डिबाला बिना अर्जेन्टिनाको टोलीको घोषणा

एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

Success

Thank you for your time.