default_image

2 weeks ago

May 8, 2024

पिएसजीलाई हराउँदै बोरुसिया डर्टमुण्ड च्याम्पियन्स लिग फाइनलमा

5823 views

0 Bookmark

एजेन्सी – फ्रेन्च टोली पेरिस सेन्ट जर्मेन (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा पुगेको छ।

पिएसजीको घरेलु मैदान पार्क डेस प्रिन्सेसमा भएको दोस्रो लेगमा डर्टमुण्डका लागि खेलको एकमात्र गोल म्याट्स हुमेल्सले गरे । अर्कोतर्फ स्टार खेलाडीहरुले भरिपूर्ण पिएसजी यो सिजन पनि च्याम्पियन्स लिग उपाधि उचाल्न बाट चुकेको छ । सेमिफाइनलको पहिलो लेगमा पटक पटक बाधक बनेको गोलपोस्ट दोस्रो लेगमा पनि पिएसजीका लागि बाधक बन्दा फ्रेन्च टोली फाइनलमा पुग्न सकेन । उता डर्टमुण्डको रक्षात्मक प्रदर्शन पनि उल्लेखनिय नै रहेको थियो ।

४७औं मिनेटमा वेन जाएर एमेरीले राम्रो मौकामा पोस्टमा प्रहार गरे । त्यसको तीन मिनेट पश्चात डर्टमुण्डले खेलमा अग्रता लियो ।

जुलियन ब्रान्ड्टको कर्नर किकमा डिफेन्डर म्याट्स हुमेल्सले शक्तिशाली हेडर प्रहार गर्दै डर्टमुण्डलाई खेलमा अग्रता दिलाए । समग्रमा दुई गोलले पछि परेपछि घरेलु टोलीले राम्रो मौकाहरु सिर्जना गर्यो । ६०औं मिनेटमा गोन्सालो रामोसले बक्स भित्रबाट उत्कृष्ट मौका पोस्टको माथि प्रहार गरे । ६१औं मिनेटमा पिएसजीका नुनो मेन्डेजले बक्स बाहिरबाट गरेको शक्तिशाली प्रहार पनि पोस्टमा लागेर बाहिरियो ।

६५औं मिनेटमा उसमान डेम्बेले माथि भएको फाउल पश्चात रेफ्रीले पिएसजीलाई पेनाल्टी दिएका थिए । तर भिडियो असिस्टेन्ट रेफ्रीले सो फाउल बक्स बाहिर रहेको निर्णय गरेपछि पिएसजीको लागि मौका गुम्यो।

८७औं मिनेटमा किलियन एमबाप्पेले पनि गोलकिपर बिनाको पोस्टमा क्रसबारको माथिल्लो भागमा प्रहार गरे । ८८औं मिनेटमा भिटिन्हाको बक्स बाहिरबाट गरेको शक्तिशाली प्रहार पनि क्रसबारमा लागेर फर्कियो । पिएसजीले दुवै लेगमा कुनै गोल गर्न सकेन ।

गत बुधबार भएको पहिलो लेगमा डर्टमुण्डले १-० को अग्रता लिएको थियो । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरेका थिए ।

यी दुई टोली एकै समूहबाट अघि बढाएका थिए । समूह चरणको दुई खेलमा एउटा खेल डर्टमुण्डले जितेको थियो भने अर्को खेल बराबरीमा सकिएको थियो ।

डर्टमुण्डले अब उपाधिका लागि रियल म्याड्रिड र बायर्न म्युनिखबीचको सेमिफाइनल विजेतासँग खेल्नेछ। यी दुई टोली बीचको पहिलो लेग २-२ को बराबरीमा सकिएको थियो । दोस्रो लेग बुधबार हुनेछ ।

सन् २०१३ मा पछिल्लो पटक डर्टमुण्ड फाइनल पुग्दा बायर्नसँग पराजित भएको थियो । डर्टमुण्डले एकमात्र च्याम्पियन्स लिग उपाधि १९९७ मा जितेको थियो ।

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.