काठमाडौं (हाम्रो खेलकुद) – विश्व कप छनोटको दोस्रो चरणअन्तर्गत युएइविरुद्धको खेलका लागि नेपाली राष्ट्रिय फुटबल टोलीको २८ सदस्यीय प्रारम्भिक टोलीको घोषणा भएको छ ।

अखिल नेपाल फुटबल संघ (एन्फा) ले मंगलबार आफ्नो सामाजिक सन्जालमार्फत टोलीका मुख्य प्रशिक्षक भिन्सेन्जो अल्बर्टो एनेसेले मंगलबार प्रारम्भिक टोलीको टोलीको गरेको जनाएको छ । नेपाल र युएइबीच जेठ २४ गते दशरथ रंगशालामा खेल हुनु पर्ने थियो ।

तर रंगशालाको अन्तर्राष्ट्रिय मापदण्ड नपुगेको भन्दै एसियाली फुटबल महासंघ (एएफसी) ले न्युट्रल भेन्युमा खेल गराउने तयारी गरिरहेको छ । रंगशालाको मैदानको अवस्था, सुरक्षा र फ्लटलाइटको अवस्थाका बारेमा प्रश्न गर्दै एएफसीले खेल हुन नसक्ने बताइसकेको छ ।

समूह ‘एच’ मा रहेको नेपालले यसअघि ४ खेलमा हार बेहोरिसकेको छ । युएईसँग ४–० ले पराजित भएको नेपाली टोलीले यमनसँग खेल २–० ले गुमाएको थियो । त्यस्तै नेपालले बहराइसँगको पहिलो खेलमा ५–० र दोस्रो खेलमा ३–० ले पराजित भएको थियो । विश्व कप छनोटको अन्तिम खेल खेलले यमनसँग जेठ २९ गते खेल्नेछ ।

राष्ट्रिय फुटबलको प्रारम्भिक टोली

गोलकिपर– अभिषेक बराल, विशाल सुनार, किरण चेम्जोङ, सन्तोष महत

डिफेन्डर – अभिषेक लिम्बु, अनन्त तामाङ, विमल पाण्डे, विशाल बस्नेत, छिरिङ लामा, रोहित चन्द, सनिश श्रेष्ठ, सौभाग्य राई, अजय चौधरी, योगेश गुरुङ

मिडफिल्डर –भरत खवास, लकेन लिम्बु, मणिकुमार लामा, मनिष डाँगी, वसन्त जिम्बा, फत्तेमान घले, रोहन कार्की, सुमित श्रेष्ठ

फरवार्ड -अन्जन विष्ट, दिनेश हेन्जन, जिलेस्पीजंग कार्की, हिसुब थपलिया, समिर तामाङ, सञ्जीव विष्ट