4 months ago
May 15, 2024
एजेन्सी – लिग उपाधि जितिसकेको रियल म्याड्रिडले लालिगा अन्तर्गत गएराती सम्पन्न खेलमा देपोर्तिभो अलाभेस माथि सानदार जित दर्ता गरेको छ । रियलले अलाभेस माथि ५-० को फराकिलो जित निकालेको हो ।
खेलको १०औं मिनेटमा जुड बेलिङ्घमले रियाललाई अग्रता दिलाएका थिए । बक्स भित्रबाट उनले खेलेको क्रस गोलमा परिणत भएको थियो । २७औं मिनेटमा भिनिसियस जुनियरले अग्रता दोब्बर बनाए । इडुवार्डो कामाभिंगाको पासमा क्लोज-रेन्जबाट भिनिसियसले गोल गर्न सफल भएका थिए ।
पहिलो हाफको इन्ज्युरी समयमा फेडे भालभर्डेले अग्रता तीन गोलको बनाए । बक्सको छेउबाट उत्कृष्ट फिनिशका साथ उनले रियललाई पहिलो हाफमा नै तीन गोलले अघि पुर्याएका थिए ।
७०औं मिनेटमा भिनिसियसले व्यक्तिगत दोस्रो गोल गर्दै टोलीको चौथो गोल गरे । यस्तै ८१औं मिनेटमा आर्डा गुलेरले गोल गर्दै ५-० को जित सुनिश्चित गरे ।
रियलको ३६ खेलमा ९३ अंक भएको छ ।
यस्तै बार्सिलोना र जिरोना दोस्रो स्थानका लागि लडिरहेका छन् । गएराती सम्पन्न खेलमा भिलारियल विरुद्ध १-० लिए जिरोना पराजित भएसँगै दोस्रो स्थानमा रहँदै स्पेनिश सुपर कपमा पुग्ने बार्सिलोनाको सम्भावना बढेको छ ।
बार्सिलोनाको ३५ खेलमा ७६ अंक रहेको छ । जिरोनाको ३६ खेलमा ७५ अंक रहेको छ ।
September 10, 2024
काठमाडौं(हाम्रो खेलकुद) – एन्फा महिला लिगको खेलतालिका परिवर्तन भएको छ । अखिल नेपाल फुटबल संघ(एन्फा) ले मंगलवार विज्ञप्ती जारी गर्दै केही एन्फा कम्प्लेक्समा जारी लिग खेलको समय परिवर्तन भएको जानकारी गराएको हो । यसअघि खेल तालिकामा दिउँसो ४ः१५ बजे सुरु हने भनिएका खेल दिउँसो ३:१५ बजे सुरु हुने भएको छ।एन्फाले प्राविधिक कारणले गर्दा केही खेलको […]
September 10, 2024
काठमाडौं(हाम्रो खेलकुद) – त्रिभुवन आर्मी फुटबल क्लबले एन्फा महिला लिगमा सुदूरपश्चिम प्रदेशविरुद्ध गोलको वर्षा गरेको छ । आफ्नो तेस्रो खेलमा दोस्रो जित निकाल्ने क्रममा आर्मीले सुदूरपश्चिममाथि १४-१ को फराकिलो अन्तरले हरायो। एन्फा कम्प्लेक्स सातदोबाटोमा मंगलवार भएको खेलमा आर्मीलाई जित दिलाउन दिपा शाहीले ५, अनिता लम्जेलले २, चन्द्रा भन्डारी, विमला चौधरी, हिमा चौधरी, सावित्री देवी मगर, […]
September 10, 2024
एजेन्सी – फ्रान्सले नेसन्स लिगमा बेल्जियमलाई पराजित गरेको छ । दोस्रो खेलमा पहिलो जित निकाल्ने क्रममा फ्रान्सले बेल्जियमलाई सोमवार २-० ले पराजित गर्यो । यसअघि फ्रान्स पहिलो खेलमा खेलमा इटालीसँग पराजित भएको थियो। घरेलु मैदानमा भएको खेलमा फ्रान्सलाई जित दिलाउन रान्डल कोलो मुआनी र ओस्मान डेम्बेलेले गोल गरे । खेलको २९औं मिनेटमा मुआनीले गोल गर्दै […]
