2 months ago
May 15, 2024
हिमाल खरेल, बिर्तामोड
झापाको बिर्तामोडमा रहेको एकता स्पोर्टिङ क्लबले किशोर खेलाडीहरुबीच ११ औं एएफसी ग्रासरुट दिवस मनाएको छ ।
क्लबले आदर्श मैदान एकेडेमी अफ स्पोर्टसको सहकार्यमा बिर्तामोड २ बेलडाँगीमा रहेको फुटबल टे«निङ सेन्टरमा ग्रासरुट दिवस मनाएको हो ।
फुटबलको विकास ग्रासरुटबाट हुन आवश्यक छ भन्ने अवधारणाका साथ क्लबले दिवस मनाएको अध्यक्ष किरण पौडेलले जानकारी दिए ।
क्लबले आफ्नो मातहातमा रहेका झन्डै ८० जना युवा खेलाडीमाझ फुटबलको स्किल तथा अन्य प्राविधिक पक्षबारे जानकारी गराउँदै दिवस मनाएको थियो ।
क्लबले विगतका वर्षहरुयता ८ वर्षदेखि १३ वर्ष उमेर समूहका ४५ जना बालबालिकालाई फुटबल प्रशिक्षण गराउँदै आएको छ ।
यसैबीच, क्लबले एन्फा अन्डर १३ का छनोट भएका एकता स्पोर्टिङ क्लबका चारजना खेलाडीलाई विदाइ गरेको छ ।
क्लबमा प्रशिक्षण लिँदै आएका मिसन हस्दा, लक्ष्मी किस्कू, सुसन राई र सुप्रिम बास्तोलालाई विदाइ गरिएको हो ।
क्लबका अध्यक्ष पौडेलको अध्यक्षतामा भएको कार्यक्रममा बिर्तामोड नगरप्रमुख पवित्रा महतारा प्रसाईं, उपप्रमुख नगेन्द्र संग्रौला, बिर्तामोड २ का वडा अध्यक्ष किशोर पौडेल, सामाजिक अगुवा मदनगोपाल सुब्बा लगायतले बालबालिकालाई शुभकामना दिएका थिए ।
क्लबका उपाध्यक्ष खेमराज गिरीले स्वागत गरेको कार्यक्रममा औचित्यमाथि प्रकाश दिपेश खतिवडाले पारेका थिए भने कार्यक्रमको सञ्चालन रमेश उप्रेतीले गरेका थिए।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]