default_image

1 month ago

June 20, 2024

कोपा अमेरिकाको उद्घाटन खेलमा अर्जेन्टिना र क्यानडा खेल्दै 

719 views

0 Bookmark

एजेन्सी – लियोनल मेस्सीको कप्तानीमा रहेको साविक विजेता अर्जेन्टिनाले शुक्रवार बिहान एटलान्टामा टूर्नामेंटमा पहिलो पटक सहभागिता जनाइरहेको क्यानडासँग कोपा अमेरिकाको उद्घाटन खेलमा खेल्दैछ । फिफा विश्व वरियतामा नम्बर एक रहेको अर्जेन्टिना र ४९ औं वरियतामा रहेको क्यानडा बीचको खेल नेपाली समय अनुसार बिहान ५:४५ बजे सुरु हुनेछ । 

२०२१ मा यस जितेको र २०२२ को विश्वकपको उपाधि उचालेको अर्जेन्टिना कोपा अमेरिकाको सफलताको लागि अपरिचित छैन । १५ पटकको विजेता अर्जेन्टिना २०१५ र २०१६ मा फाइनल पुगेको थियो भने २०१९ मा तेस्रो भएको थियो । 

यस संस्करणमा १० दक्षिण अमेरिकी टोलीहरू सहित उत्तर र मध्य अमेरिका र क्यारेबियनका ६ टोलीहरु समावेश गरिएका छन् । 

१३ गोलसहित प्रतियोगिताको सर्वकालीन स्कोरिङ तालिकामा सातौं स्थानमा रहेका मेस्सीले १७ असिस्टको कीर्तिमान पनि राखेका छन् । शुक्रवार उनले आफ्नो ३५ औं कोपा अमेरिका खेल खेल्दै चिलीका सर्जियो लिभिङस्टोनको कीर्तिमान तोड्नेछन् ।

विश्वकप जितेको टोलीबाट २३ खेलाडी रहेको अर्जेन्टिनी टोलि यसपटक पनि फाइनल पुग्ने आँकलन गरिएको छ । 

क्यानडाको अर्को खेल बुधवार पेरुसँग हुनेछ भने सोही दिन अर्जेन्टिनाले चिलीसँग खेल्नेछ । जुन २९ मा समूह चरणको खेलमा क्यानडाले चिली र अर्जेन्टिनाले पेरुसँग खेल्नेछन् ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.