4 months ago
June 26, 2024
एजेन्सी – लगातार दोस्रो खेल जित्दै अमेरिकामा जारी अर्जेन्टिना कोपा अमेरिकाको नकआउट चरणमा पुगेको छ।
न्यू जर्सीको मेटलाइफ स्टेडियममा बुधबार बिहान भएको समूह ‘ए’को खेलमा अर्जेन्टिनाले चिलीलाई १-०ले पराजित गरेको हो। खेलको अन्त्यतिर परिवर्तित खेलाडी लाउटारो मार्टिनेजले गरेको गोल खेलको निर्णायक बनेको थियो ।
मार्टिनेजले खेलको ८८औं मिनेटमा गोल गरेका थिए । इन्ज्युरी समयमा मार्टिनेजले एन्जिलो डि मारियाको पासमा अर्को गोल थप्ने मौका चुकाएका थिए।
लियोनल मेस्सीको कप्तानीमा रहेको अर्जेन्टिनाको दुई खेलबाट ६ अंक भएको छ।
पहिलो खेलमा अर्जेन्टिनाले क्यानडालाई २-० ले हराएको थियो। चिली पहिलो खेलमा पेरुसँग गोलरहित बराबरीमा रोकिएको थियो।
यो समूहको अर्को खेलमा क्यानाडाले १० खेलाडीमा समेटिएको पेरुलाई १-० ले हरायो। क्यानडाका लागि जोनाथन डेभिडले खेलको ७४औं मिनेटमा गरेको गोल नै निर्णायक बन्यो। उनले याकूब शफेलबर्गको पासमा गोल गरेका थिए।
त्यसअघि खेलको ५९औं मिनेटमा पेरु १० खेलाडीमा समेटिएको थियो। मिगुएल अराउजो रातो कार्ड खाँदै मैदान छाडेका थिए । समूहमा अब अर्जेन्टिनाले पेरु र क्यानाडाले चिलीसँग खेल्नेछ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]