default_image

2 weeks ago

July 6, 2024

इङ्ल्यान्डलाई स्विट्जरल्यान्डको चुनौती

941 views

0 Bookmark

एजेन्सी – युरो कप २०२४ को तेस्रो क्वाटरफाइनल खेलमा आज इङ्ल्यान्ड र स्विट्जरल्यान्ड भिड्दै छन् । खेल नेपाली समय अनुसार बेलुका ९:४५ बजे सुरु हुँदैछ ।

उपाधि दावेदारको रूपमा हेरिएको इंग्लिश टोलीले हालसम्म सन्तुष्टि प्राप्त गर्नलायक प्रदर्शन भने गरेको छैन । समूह विजेताका रूपमा अन्तिम १६ मा प्रवेश गरेको इङ्ल्यान्डले समूह चरणमा १ गोल मात्र गरेको थियो । सो बल जुड बेलिङ्घमले पहिलो खेलमा सर्बिया विरुद्ध गरेका थिए ।

त्यसपछि डेनमार्क र स्लोभेनिया विरुद्ध इङ्ल्यान्डले गोलरहित बराबरी खेल्यो । दुवै खेलमा प्रदर्शन सम्झनलायक रहेका थिएनन् । अन्तिम १६ मा पनि इङ्ल्यान्डले निकै संघर्ष गर्नु परेको थियो ।

२५औं मिनेट देखि पछाडि परेको इङ्ल्यान्डलाई बेलिङ्घमले इन्ज्युरी समयको पाँचै मिनेटमा गरेको उत्कृष्ट गोलले बचाएको थियो । फेरि अतिरिक्त समयको सुरुवातमै ह्यारी केनले गोल गरेपछि इङ्ल्यान्ड अन्तिम आठमा प्रवेश गरेको थियो ।

सोचेजस्तो प्रदर्शन गर्न नसकेको इङ्ल्यान्डले स्विट्जरल्यान्ड विरुद्ध सिस्टम परिवर्तन गर्ने चर्चा रहेको छ । चार डिफेन्डरले खेल्दै आएकोमा इङ्ल्यान्डके पाँच डिफेन्डर सहित खेल्ने आँकलन इंग्लिश सञ्चार माध्यमहरुले गरेका छन् ।

त्यसमा आजको खेलमा निलम्बित मार्क गेहीको स्थान एज्री कोन्साले लिनेछन् । त्यस्तै राइट विंगर बूकायो साकाले लेफ्ट विङ ब्याक खेल्ने र किइरन ट्रिपियरले राइट विङ ब्याक खेल्ने चर्चा छ । प्रशिक्षक ग्यारेथ साउथगेटलाई उपाधि दिलाउन नसकेको खण्डमा बर्खास्त हुने डर समेत रहेको छ ।

उता स्विट्जरल्यान्डले पछिल्लो चरणमा साविक विजेता इटालीलाई परास्त गरेको थियो । हालसम्म अपराजित रहेको स्विट्जरल्यान्ड डार्क हर्सका रूपमा उभिएको छ । स्विट्जरल्यान्डले समूहमा जर्मनी र स्कटल्यान्ड विरुद्ध बराबरी खेलेको थियो भने हंगेरी विरुद्ध जित हासिल गर्दै दोस्रो स्थान हासिल गरेको थियो ।

इङ्ल्यान्डलाई स्विट्जरल्यान्ड विरुद्ध सहज भने हुने छैन । तर आँकलन गर्दा इङ्ल्यान्डले यस खेल हार्ने भन्दा जित्ने सम्भावना बढी रहन्छ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.