default_image

1 year ago

July 26, 2024

अन्जनको ह्याट्रिकमा चर्च ब्वाइज विजयी

4723 views

0 Bookmark

काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ ।

अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई पेनाल्टीसहित ३ गोल गर्दा आर्मीका अनुभवी फरवार्ड भरत खवासले पनि पेनाल्टीसहित २ गोल गरे ।

खेलको सुरुवाती समयमा नै अन्जनको गोलमा चर्च ब्वाइजले अग्रता लिएको थियो । आयुष घलानले बायाँ विंगबाट दिएको कटब्याकमा अन्जनले ६ यार्ड बक्स भित्रबाट गोल गरे । तर त्यसपछि आर्मीले लगातार दुई गोल फर्काउँदै खेलमा अग्रता लियो ।

भरतले पेनाल्टी क्षेत्रबाहिरबाट सिर्जना गरेको मुभलाई बक्सभित्र लगेर सुन्दर फिनिस गरेर खेल बराबरीमा ल्याए । त्यसको केहीबेरमा प्राप्त पेनाल्टीलाई भरतले गोलमा परिणत गरे । हाफको अन्त्यतिर अन्जनले पेनाल्टीमा गोल गर्दै खेल २-२ को बराबरीमा ल्याए ।

दोस्रो हाफमा चर्च ब्वाइजका जाम्बियन मिडफिल्डर पिटर बान्डालाई पेनाल्टी क्षेत्र भित्र फल भएपछि प्राप्त पेनाल्टीमा अन्जनले ह्याट्रिक पूरा गरे । दुवै टोलीले आफ्नो बेन्चका खेलाडीलाई दोस्रो हाफमा अवसर दिएका थिए । यसअघि आर्मी र चर्च ब्वाइजबीच मंगलबार भएको खेल बराबरीमा सकिएको थियो ।

आर्मी अर्को साता सुरु हुने डुरान्ड कपका लागि आइतबार प्रस्थान गर्दैछ । आर्मीको समूहमा आइएसएल टोली हैदरावाद एफसी र एफसी गोवा तथा आइलिग टोली सिलोङ लाजोङ रहेको छ । चर्च ब्वाइजले भने साउन २९ मा भुटानको पारो एफसीको सामना गर्दैछ ।

November 7, 2025

पुलिस झापा गोल्ड कपको फाइनलमा

दिपक बोहोरा / हिमाल खरेल , झापा नेपाल पुलिस क्लबले एलभिडी झापा महिला गोल्डकप फुटबल प्रतियोगिताको फाइनलमा पुगेको छ। संकटा एफसीलाई आज २-० गोलले पराजित पुलिस अन्तिम दुईमा पुगेको हो। झापाको शिवसताक्षीस्थित दूधेखेल रंगशालामा खेलको सुरुवाती मिनेटदेखि नै दुवै टोलीले आक्रमक खेल प्रदर्शन गरे पनि पहिलो हाफमा गोल रहित बराबरी रह्यो। २४औं मिनेटमा पुलिसले कर्नर […]

November 7, 2025

देउरालीको पहिलो जित, चित्लाङ र विजय स्पोर्ट्सको बराबरी

रविन्द्र वाईबा ,हेटौंडा देउराली युथ क्लब (धनकुटा) ले हेटौंडामा जारी एन्फा प्रेसिडेन्ट लिगमा पहिलो जित निकालेको छ। हेटौंडाको गौरीटार रंगशालामा आज भएको खेलमा जन जागृती युवा क्लब बर्दियालाई ३-१ गोलले हराउँदै लिगमा पहिलो जीत निकालेको हो। जागृतीका लागि शम्भु थारुले खेल सुरु भएको पहिलो मिनेटमै गोल गरेपनि टिमलाई हारबाट जोगाउन भने सकेन । देउरालीका मिलन […]

November 7, 2025

फुटबल खेलाडीले सुरु गरेको विरोधमा खेलाडी संघको एकबद्धता

काठमाडौं (हाम्रो खेलकुद)- नेपाल फुटबल खेलाडी संघले अखिल नेपाल फुटबल संघ (एन्फा) का विरुद्ध गरेको धर्ना प्रदर्शनमा नेपाल राष्ट्रिय तथा अन्तर्राष्ट्रिय खेलाडी संघले एकबद्धता जनाएको छ। खेल्न पाउनुपर्छ भन्ने माग सहित फुटबल खेलाडी संघले एन्फा विरुद्ध बिहीवार धर्ना प्रदर्शन गरेको थियो। खेलाडी संघले शुक्रवार विज्ञप्ति जारी गर्दै भनेको छ, ‘ फुटबल खेलाडीको रोजीरोटीसँग जोडिएको ए […]

Success

Thank you for your time.