काठमाडौं (हाम्रो खेलकुद) – ललित स्मृति एन्फा यु-१८ लिगमा सोमबार नेपाल पुलिस क्लब र संकटा फुटबल क्लब विजयी भएका छन् ।

दिनको दोस्रो खेल विभागीय ड्रर्बीमा कप्तान सुवास बमको ४ पुलिसले नेपाल एपिएफ क्लबलाई ६-० ले हराएको थियो।

सातदोबाटोस्थित एन्फा कम्प्लेक्समा पुलिसलाई जित दिलाउन थप २ गोल‌लक्ष्मण थानीले गरे । खेलको ४७ औं मिनेटमा लक्ष्मणको गोलमा पुलिसले अग्रता लिएको थियो । ५८ औं मिनेटमा लक्ष्मणको गोलमा टोलीको अग्रता दोब्बर भएको थियो।

सुवासले ७४ औं मिनेटमा पेनाल्टीमार्फत टोलीका लागि तेस्रो गोल गरे । ७८ औं मिनेटमा सुवासले व्यक्तिगत दोस्रो गोल गर्दा पुलिस ४-० को स्थितीमा पुर्याए । ८९ औं मिनेटमा गोल गर्दै सुवासले ह्याट्रिक पूरा गरे । इन्जुरी समययमा सुवासले नै व्यक्तिगत चौथो गोल गर्दै पुलिसलाई फराकिलो जित दिलाए ।

छैटौं जितसँगै ७ खेलमा १९ अंकसहित पुलिस लिगको शीर्ष स्थानमा कायमै छ । चौथो पराजय बेहोरेको एपिएफको ७ खेलबाट ७ अंक छ ।

त्यसअघि पहिलो खेलमा संकटाले जावलाखेल युथ क्लबविरुद्ध २-० को जित निकालेको थियो । लिगमा संकटाको त्यो दोस्रो जित हो ।

संकटालाई जित दिलाउन सबिनकुमार लुंगेलीमगर र दिवस राईले गोल गरे । खेलको २२ औं मिनेटमा सबिनको गोलमार्फत संकटाले अग्रता लिएको थियो । ८५ औं मिनेटमा दिवसले गोल गर्दै संकटालाई २-० को जित दिलाए ।

दोस्रो जितसँगै संकटाले ७ खेलमा ९ अंक जोडेको छ । चौथो पराजय बेहोरेको जावलाखेलको ७ खेलबाट ५ अंक छ ।