एजेन्सी – पोर्चुगलका डिफेन्डर पेपेले सबै खाले फुटबलबाट सन्यासको घोषणा गरेका छन् । उनले बिहीबार सामाजिक सन्जालमार्फत सन्यासको घोषणा गरेका हुन् ।

सन्यासको घोषणा गर्दै पेपेले आफ्नो करिअरमा मद्दत गर्नेहरू सबैलाई धन्यवाद दिए । ४१ वर्षीय पेपे यस समरमा भएको युरोपेली च्याम्पियनसिप खेल्ने सबैभन्दा पाका खेलाडी बने । उनको टोली पोर्चुगल क्वार्टरफाइनलमा फ्रान्ससँग टाइब्रेकरमा पराजित हुँदै बाहिरिएको थियो ।

स्पेनिस क्लब रियल म्याड्रिडका पुर्व सेन्टर–ब्याक पेपेले आफ्नो देशको लागि १४१ क्याप जित्दा ८ अन्तर्राष्ट्रिय गोल गरेका छन् । पोर्चुगलका लागि उनले भन्दा धेरै क्रिस्टियानो रोनाल्डो (२१२) र जोआओ माउटिन्होले (१४६) खेलेका छन् ।

मारिटिमोबाट खेल यात्रा प्रारम्भ गरेका पेपेले मारिटिमोसँगै पोर्टो, रियल म्याड्रिड र बेसिकटासबाट व्यवसायिक खेल खेलेका छन् । उनले पोर्चुगलसँग युरो २०१६ जिते । म्याड्रिडमा आफ्नो १० वर्षको स्पेलमा तीन च्याम्पियन्स लिग र तीन ला लिगा उपाधि उनको नाममा छ ।

२३ वर्षको व्यवसायिक करिअरमा उनले विभिन्न ३४ वटा उपाधि जितेका छन् । क्लब र राष्ट्रका लागि ८७८ पटक खेलेका उनले सबैभन्दा धेरै सफलता रियल म्याड्रिडमा पाएको थियो ।

‘म मद्दत गर्न सक्दिन तर मलाई विश्वास गर्ने सबै अध्यक्षहरुलाई धन्यवाद दिन्छु ।’ पेलेले भने, ‘म गएको सबै क्लबका सबै कर्मचारीहरूलाई, जो क्लब र राष्ट्रिय टोलीका आत्मा र सार हुन् । म पृष्ठभूमिका सबैलाई धन्यवाद दिन चाहन्छु ।’
पेपे गत वर्ष च्याम्पियन्स लिगमा समूह चरणमा एन्टवर्पविरुद्ध पोर्टोका लागि गोल गर्दा सबैभन्दा बढी उमेरका गोलकर्ता बनेका थिए ।

करिअरको उच्च लयमा रहँदा उनले रियल म्याड्रिडका लागि सबैभन्दा धेरै ३३४ खेल खेलेको थियो । अनुशासनमा भने पेपे निकै खराव रह्यो । उनले आफ्नो करिअरमा २१२ पहेँलो कार्ड र १७ रातो कार्ड पाएका छन् ।

रियल म्याड्रिड तथा पोर्चुगलका सहकर्मी क्रिस्टियानो रोनाल्डोले पेपेको अर्थ के हो भन्ने व्यक्त गर्न कुनै शब्द नरहेको बताएका छन् । इन्स्टाग्राममा एक पोस्टमा, उनले थपे, ‘पिचमा जित्नु पर्ने सबै कुरा हामीले जित्यौं, तर सबैभन्दा ठूलो जित भनेको मित्रता र सम्मान हो । पेपे अद्वितीय हुनुहुन्छ । धेरै धेरै धन्यवाद ।’