2 weeks ago
August 27, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) को कार्यसमिति बैठक २ घण्टा ४५ मिनेट ढिलो सुरू भएको छ ।
एन्फाको केन्द्रीय कार्यालय सातदोबाटोमा आज विहान ८ बजेदेखि बैठक सुरू हुने भनेर एन्फाले जनाएको थियो। तर समय भन्दा निकै ढिला १०:४५ मा मात्र एन्फा अध्यक्ष पंकज विक्रम नेम्वाङको अध्यक्षतामा बैठक सुरू भएको छ । बैठक ढिला हुनुको विषयमा कसैले पनि ठोस कारण भने खुलाउन चाहेनन ।
बैठकमा कुल २३ एजेन्डा रहेका छन । जसमा उपाध्यक्ष विराटजङ्ग शाही र सदस्य पेमा डोल्मा लामाले थप गरेको एजेन्डा पनि समावेश गरिने बताइएको छ ।
उपाध्यक्ष शाहीले अन्तर्राष्ट्रिय (महिला र पुरुष) खेलाडीहरुको वर्गिकरण र सेवा सुविधा, फिफाद्धारा स्वीकृत भेडावारी परियोजना, रेफ्री तथा प्राविधिकको तलब वृद्धि सम्बन्धमा एजेण्डामा थप्न अनुरोध गरेका थिए ।
त्यस्तै आर्थिक वर्ष आव २०८०/ ८१ को आन्तरिक लेखा परिक्षण प्रतिवेदन, विश्व कप दोश्रो चरण अन्तर्गतका खेलहरुको आर्थिक विवरण र एन्फाको उपाध्यक्ष दावा लामाको विषयमा वरिष्ठ उपाध्यक्षको उजुरी र राखेपको पत्रका सम्बन्धमा पनि बैठकको एजेण्डामा थप्न शाहीले पत्रमा उल्लेख गरिएको थियो।
सदस्य लामाले महिला तथा पुरुष खेलाडीहरुको मासिक तलब भत्ता तलब वृद्धि, राष्ट्रिय महिला टिमको लागि विदेशी प्रशिक्षकको नियुक्ति, महिला लिगको पुरस्कार र मिशन विश्वकप २०२७-३१ का सम्बन्धको एजेण्डा थप गर्न माग गरेकी थिइन् ।
बैठकको एजेन्डाहरू यसप्रकार रहेका छन् ।
१. नयाँ आधुनिक फुटबल रंगशाला निर्माण बारे ।
२. उत्कृष्ट खेलाडी पुरस्कार बारे ।
३. खेलाडीको लागी नयाँ बस खरिद बारे ।
४. फिफा र ए.एफ. सीको अनुदानबाट भौतिक पुर्वधार निर्माण तथा अन्य क्षेत्रमा बजेट विनियोजन बारे।
५. खेलकुद सामाग्री खरिदको लागी बोल पत्र स्विकृत गर्ने बारे ।
६. कर्णली प्रदेश फुटवल संघ बारे ।
७. नयाँ सदस्य संस्था गठन बारे ।
८. कर्मचारी, खेलाडी, पदाधिकारीहरुको सेवा सुविधा बारे ।
९. पुरुष राष्ट्रिय टिमको मुख्य प्रशिक्षक बारे ।
१०. ललित स्मृति यू १८ युथ लिगको अनुमानित खर्चको विवरण बारे ।
११. शहिद स्मारक वि डिभिजन लिग फुटबल प्रतियोगिताको बजेट बारे ।
१२. पदपुर्ति समितिको निर्णयहरु अनुमोदन बारे ।
१३. खद्यान्न सामाग्री सम्बन्धमा ।
१४. शेर्पा आउटडोर स्पोर्ट्स एण्ड गूड्स इन्डस्ट्री संगको हरहिसाव फरफारक बारे ।
१५. एन्फा एकेडेमीको खेलाडीहरुको लागी खेल सामाग्रीहरु खरिद बारे ।
१६. साफ यू २० र साफ वोमेन स च्याम्पियनसिपको वसोवास, यातायात, टिकट दर, अन्य मार्केटिङ्ग,
टिकेटिङ्ग राईट र बजेट बारे । १७. ग्रासरुट बजेट तथा कार्य विधि बारे ।
१८. महिला लिग २०२४को टिकट दर र अन्य मार्केटिङ्ग, बॉडकास्टिङ्ग, टिकेटिङ्ग राईटस बारे ।
१९. फुटबल फर स्कुलको राष्ट्रिय कार्यदल बारे ।
२०. बा ८ च ६१७ नंबरको गाडी सम्बन्धमा ।
२१. आ.व. २०८१/८२ को बार्षिक बजेट र कार्यक्रमको प्ररम्भीक छलफल बारे ।
२२. कार्यसमिती उपाध्यक्ष श्री बिराट जंग शाही र केन्द्रिय सदस्य श्री पेमा डोल्मा लामाद्धरा थप गर्नु भएको सुचीहरु बारे ।
२३. विविध
September 11, 2024
काठमाडौं(हाम्रो खेलकुद) – एन्फा महिला लिगमा बुधवार दुई खेल हुँदैछन् । लिगमा आजबाट चौथो राउन्डका खेलहरु सुरु हुदैछ । एन्फा कम्प्लेक्स सातदोबाटोमा हुने पहिलो खेलमा कोशी प्रदेश र विभागीय टोली नेपाल पुलिसबीच प्रतिस्पर्धा हुनेछ । खेल मध्यान्ह १२ः३० बजे सुरु हुनेछ । कोशी तीन खेलमा शतप्रतिशत जितका साथ अंक तालिकाको शीर्ष स्थानमा रहेको छ । […]
September 11, 2024
एजेन्सी – फिफा विश्वकप २०२६ को दक्षिण अमेरिकी छनोटमा ब्राजिल पराजित भएको छ। पाराग्वेले ब्राजिललाई बुधवार १-० ले हराएको हो। पाराग्वेले आठौं खेलमा दोस्रो जित निकालेको हो। पराग्वेको जितमा २०औं मिनेटमा डियगो गोमेजले गरेको गोल नै निर्णायक बन्यो । जित पछि १० टोली सहभागी छनोटमा ९ अंकका साथ पराग्वे सातौं स्थानमा छ । अर्को खेलमा […]
September 11, 2024
एजेन्सी – युइएफए नेसन्स लिगको पहिलो चरणमा इङ्ग्ल्यान्डले लगातार दोस्रो जित हात पारेको छ । इङ्ग्ल्यान्डले मंगलवार फिनल्यान्डमाथि २-० को जित हात पार्यो । घरेलु मैदानमा भएको खेलमा इङ्ग्ल्यान्डलाई जित दिलाउन दुवै गोल ह्यारी केनले गरे । इङ्ग्ल्यान्डबाट केनको त्यो एक सयौं खेल थियो। केन इङ्ग्ल्यान्डको लागि आफ्नो सयौं खेलमा २ गोल गर्ने पहिलो खेलाडी […]
