सल्हेस चितवन गोल्डकपको सेमिफाइनलमा

सुशील पन्त क्षेत्री,चितवन

सल्हेस एफसी सिराहा गोल्डेन ईमिनेन्ट दोस्रो चितवन गोल्डकपको सेमिफाइनलमा प्रवेश गरेको छ ।

सूर्यपुर एफसी चितवनलाई सोमवार हराउँदै सल्हेसले सेमिफाइनलको यात्रा तय गरेको हो । सल्हेसले सूर्यपुरलाई पेनाल्टी सुटआउटमा मा ५-३ ले हरायो ।

टाइब्रेकरमा सल्हेसका जय गुरुङ, सुमित श्रेष्ठ, दीपेश आले, सन्तोष क्षेत्री र कुलदीप कार्कीले गोल गरे।

सूर्यपुरका हिसुब थपलिया, अबिषेक लिम्बु, शिशिर लेखीले गोल गरे । मोहित गुरुङको प्रहार सल्हेसका गोलकिपर प्रमिजय गच्छादारले बचाए । प्रमिजय नै प्लेयर अफ दि म्याच भए ।