उदयपुर, (हाम्रो खेलकुद)- उदयपुर गोल्डकपको पहिलो सेमिफाइनल खेलमा गत शनिबार सिमरा गोल्डकपको उपाधि जितेको सिएमसी संकटा क्लबलाई २-१ले पराजित गर्दै मोरङ ११ फाईनल प्रवेश गर्न सफल भएको छ। खेलको म्यान अफ द म्यात्च मोरङका भुवन बस्नेत घोषित हुदै नगद पांच हजार प्राप्त गरे।
पहिलो हाफमा दुवै टोलि गोल गर्न असफल भएपनि खेलको ६९औ मिनेटमा भुवन बस्नेतले गोल गर्दै मोरङलाई आग्रता दिलाए, पहिलो गोलको ४ मिनेटपछिनै मोरङले आग्रता दोब्बर बनाउन सफल भयो। मोरङका लागि दोस्रो गोल मिक्चन तामाङले ७३मिनेटमा गरे। संकटाका लागि एकमात्र गोल ८३औ मिनेटमा सजिन थापाले गरेका थिए। खेलपछि मोरङका कोच पारस चौधरीले हजारौं दर्शककाबीच उत्कृष्ट खेल प्रदर्शन गरेको मोरङका खेलाडीहरुले फाईनमा पनि सफलता हात पार्ने आशा राखेको बताउनुभयो ।
भोलीको खेल: रुपन्देही ११ र हिमालयन शेर्पा क्लव काठमाडौं
