ललितपुर (हाम्रो खेलकुद)-   गोदावरी नगरपालिका अन्तर वडा मेयर कप फुटबल प्रतियोगिताको उपाधि वडा नं ३ ले जितेको छ ।

गोदावरी बहुउदेश्यीय रंगशालाको झ्यालुन्टार टाहाखेल मैदानमा शनिवार फाइनलमा वडा नम्बर ६ टीकाभैरबलाई २-० ले हराउँदै वडा नं ३ ले उपाधि जितेको हो । दुवै गोल टोलीका कप्तान पासाङ लामाले गरे।

वडा नं ३ ट्रफी १ लाख र वडा नं ६ ले ५० हजार रुपैयाँ प्राप्त गर्यो । वडा नं ६ ले २ लाई ३-१ ले र वडा नं ३ ले ११ लाई १-० ले हराउँदै फाइनल पुगेका थिए।गोदावरीले फाइनमा स्थान पक्का गरेको थियो ।  

गोदावरी नगरका १४ मध्ये १३ वटा वडाको सहभागिता रहेको प्रतियोगिताको फेयर प्लेको उपाधिसहित वडा नं ले २५ हजार रुपैयाँ प्राप्त गर्यो ।

विजेता टोलीका पासाङ लामा सर्वोत्कृष्ट खेलाडी, सोही टोलीका विवेक सिल्वाल उत्कृष्ट गोलकिपर, वडा नं ६ का श्रीराम थापा उत्कृष्ट डिफेन्डर, विजेता टोलीका डम्बर बहादुर स्याङताङ उत्कृष्ट प्रशिक्षक घोषित भए ।

५ गोल गरेका विजेता टोलीका सायर तामाङ सर्वाधिक गोलकर्ता बने। भए । इमर्जिङ प्लेयरको उपाधि वडा नं ७ का मदन थिङले प्राप्त । उत्कृष्ट सबैले समान ५ हजार रुपैयाँ प्राप्त गरे।

बागमती प्रदेशका युवा तथा खेलकुद मन्त्री मीनकृष्ण मर्हजन , बाग्मती प्रदेशसभा सदस्य मधुसुदन पौडेल र गोदावरी नगरपालिकाका मेयर गजेन्द्र मर्हजनले विजेता उपविजेता टोलीका खेलाडीलाई पुरस्कृत गरे ।