काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्।

सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो।

सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर केसी र सुनिल श्रेष्ठले अमिशा र गितालाई ज्याकेट प्रदान गरे।

अमिशा र गीताले गत साफ महिला च्याम्पियनसिपमा उत्कृष्ट प्रदर्शन गरेका थिए। गत महिना भएको साफ च्याम्पियनसिपको फाइनलमा बंगलादेशसँग २-१ ले पराजित भएको थियो। फाइनलमा नेपालको लागि अमिशाले गोल गरेकी थिइन्।

अमिशाले यो सम्मान आफ्नो लागि अप्रत्याशित रहेको बताइन्। अप्रत्याशित सम्मानले खुशी भएको र यस्तो सम्मानले हौसला बढ्ने पनि बताइ्न। साथै यस किसिमको सम्मानले आगामी साफमा उपाधि विश्वास दिलाइन् ।

सेजल आइटी अध्यक्ष केसीले नेपाली समुदायबीच अमेरिकामा हुने फुटबल प्रतियोगितामा नेपाली केहि महिला फुटबल खेलाडीलाई बोलाउने सम्भावना रहेको बताए ।

खेलाडीलाई हौसला दिनुपर्छ भन्ने मान्यता अनुरुप सम्मान कार्यक्रम आयोजना गरेको नेपाल फुटबल खेलाडी संघका अध्यक्ष विक्रम लामाले बताए । उनले सहयोगका लागि सेजल आईटी क्यालिफोर्निया युएसएलाई धन्यवाद दिए।