दिपक बोहोरा, पाँचथर
आयोजक फिदिम स्पोर्टिङ क्लबले ११ औं फाल्गुनन्द गोल्ड कप फुटबल प्रतियोगितामा विजयी सुरुवात गरेको छ ।

फिदिम माविको मैदानमा शनिवार भारतको खर्साङ फुटबल क्लब भारत लाई पेनाल्टी सुटआउटमा ५-४ ले पराजित गर्दै फिदिम क्वाटरफाइनलमा पुगेको छ।

निर्धारित समय गोलरहित सकिएपछि टाइब्रेकरमा आयोजक टोलीले बाजी‌ मार्यो । टाइब्रेकरमा फिदिमका आशिष चापागाई,विशाल दर्जी,शुकराज राई र निरोज लिङदेनले गोल गरे ।

टाइब्रेकरमा खर्साङका आकाश प्रधान, बिशाल भण्डारी र प्रशान्त क्षेत्रीले गोल गरे। छोङदेल लामाको प्रहार फिदिमका गोल रक्षक मिराक खजुमले राोके । फिदिमका गोलकिपर मिराक प्लेयर अफ दि म्याच बन्दै १० हजार रुपैयाँ प्राप्त गरे ।

पुस १५ गते सम्म चल्ने प्रतियोगिताको विजेताले १० लाख ५ सय ५५ रुपैयाँ र दोस्रो टोली ५ लाख ५ सय ५५ रुपैँया पाँउनेछ ।

२०७५ सालमा सञ्चालन भएको १० औं संस्करणको गोल्डकपको भन्दा यसपटक पुरस्कार राशि दोब्बर भन्दा बढी गरिएको छ। प्रतियोगितामा झन्डै ९० लाख रुपैयाँ खर्च हुने अनुमान गरिएको छ ।

प्रतियोगिताको सर्वोकृष्ट खेलाडीले इभी स्कुटर प्राप्त गर्नेछन् । प्रत्येक खेलको प्लेयर अफ दि म्याचले १० हजार र सर्वाधिक गोलकर्ताले १५ हजार रुपैयाँ पाउनेछन् । यसैगरी, उत्कृष्ट रक्षक, प्रशिक्षक, फरवार्ड, मिडफिल्डर, गोलरक्षक र उदयमान खेलाडीले समान १० हजार रुपैयाँ प्राप्त गर्नेछन् ।

आइतबारको खेल
मच्छिन्द्र फुटबल क्लब बिरुद्ध झापा ११