दिपक बोहोरा, पाँचथर

फिदिममा‌ जारी ११ औं फाल्गुनन्द गोल्डकप फुटबल प्रतियोगिताको उपाधिका सोमवार ए डिभिजनका दुई टोली  चर्च ब्वाइज युनाइटेड क्लब र मच्छिन्द्र फुटबल बिच हुँदैछ।

दुवै टोलीले प्रशिक्षकले उपाधि जित्ने आशा व्यक्त गरेका छन्। फाइनलको अघिल्लो दिन आइतवार प्रि म्याच कन्फ्रेन्समा दुवै प्रशिक्षकले उपाधिको लागि तयार रहेको बताएका हुन् । 
२०७९ सालमा भएको ए डिभिजन लिग विजेता चर्च ब्वाइजले सिजनको तस्रो फाइनल खेल्दैछ । मच्छिन्द्रले पहिलो फाइनल खेल्दैछ। फाइनल फिदिम माविको मैदानमा हुनेछ।

सेमिफाइनलमा चर्च ब्वाइजले आयोजक फिदिम स्पोर्टिङ क्लबलाई र मच्छिन्द्रले अर्को ए डिभिजन टोली एनआरटीलाई हराउँदै उपाधि भिडन्त पक्का गरेको थिए ।

पुस ८ गते एनआरटीलाई हराउँदै चर्च ब्वाइजले झापा कपले जितेको थियो । त्यसको अघिल्लो साता चर्च ब्वाइजलाई पराजित गर्दै एनआरटीले इलाम गोल्डकप जितेको थियो।

चर्च ब्वाइजका  प्रशिक्षक सुमन श्रेष्ठले उपाधि जित्ने विश्वास व्यक्त गरे।पाँचथर आएको बताए । ‘पाँचथरका दर्शक र खेलाडीको उच्च प्रर्दशनबाट हामी उपाधि जित्नेछौं, ’ श्रेष्ठ भने ।

मच्छिन्द्र प्रशिक्षक सन्तोष न्यौपानेले  टोलीको तयारी राम्रो भएको र पाँचथको मैदानमा आफ्‌ना खेलाडीको अनुभव राम्रो भएकाले उपाधि जित्ने आशा गरेको बताए । ‘हाम्रो तयारी , टिमवर्क , टिम स्पिरिट राम्रो भएकाले उपाधि जत्नेछौं’ न्यौपाने भने ।

मच्छिन्द्रका कप्तान विशाल श्रेष्ठले पछिल्लो २ खेलमा टोलीको प्रर्दशन राम्रो गरेको र समर्थकको साथमा उपाधि जित्ने विश्वास व्यक्त गरे।

चर्च ब्वाइजका कप्तान एकराज बुढाथोकीले टोली लयमा रहेको र त्यसलाई जारी राख्दै उपाधि जित्ने विश्वास लिएको बताए। 

फाल्गुनन्द गोल्डकपको विजेताले उपाधि १० लाख र दोस्रो हुने टोलीले ५ लाख रुपैयाँ प्राप्त गर्नेछ।