सुमन अधिकारी, बुटवल

मदन भण्डारी स्पोर्टस् एकेडेमीको आयोजनामा बुधवार बुटवलमा सुरु भएको “मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१” मा विभागिय टिम नेपाल पुलिस क्लबले विजयी सुरुवात गरेको छ ।

आफ्नो १६ औं स्थापना दिवसको अवसरमा बुटवल उपमहानगरपालिका वडा नं. १० स्थित रामनगर खेल मैदानमा आयोजना गरिएको प्रतियोगिताको उद्घाटन खेलमा पुलिस विजयी भएको हो ।

पुलिसले आयोजक मदन भण्डारी एकेडेमीलाई ३–१ को सेटमा पराजित गरेको थियो । पुलिसले एकेडेमीलाई २५–२२, २५–२०, ३२–३४ र २५–१८ ले पराजित गरेको हो ।

खेलका निकै प्रतिस्पर्धात्मक बनेको थियो । २ सेटले अगाडि रहेको पुलिस तेस्रोमा पराजित भयो । तेस्रो सेट एकेडेमीले निकै प्रतिष्पर्धामा ३४–३२ अंकमा जितेको थियो ।

पहिलो सेटमा १२–६ ले पछाडी परेको मदन भण्डारी एकेडेमी खेलमा फर्कदै खेललाई २१–२१ मा पु¥याएको थियो तर सेट पुलिसले २५–२२ मा हात पार्न सफल भएको थियो ।

दोस्रो सेटमा पुलिसले सुरुवातबाटै लिएको अग्रतालाई कुनै पनि वेला टुट्न दिएन । तेस्रो सेटमा एकेडेमीले सुरुवातमा ६ -० को अग्रता बनाएको थियो तर लगातार फल खेल्दै ७ अंक गुमाउन पुगेपछि अंक ३४–३२ सम्म पुग्यो ।

चौथो सेटमा पुलिसले सहज जित निकाल्यो।
पुलिसले दोस्रो खेल सनिवार मणीमुकुन्द भलिबल क्लबसंग खेल्ने छ भने मदन भण्डारी एकेडेमी शुक्रवार रुकुम पश्चिम भलिबल प्रशिक्षण केन्द्रसंग खेल्नेछ ।
प्रतियोगितामस बिहीवार ३ वटा खेलहरु हुनेछन् ।

जसमा पहिलो खेल नेपाल त्रिभुवन आर्मी क्लब र गुजरात प्रदेश भलिवल एशोसियसन, भारतबिच हुने छ । दोस्रो खेल रुकुम पश्चिम भलिबल प्रशिक्षण केन्द्र र मणिमुकुन्द भलिबल क्लबकाबिच हुने छ। तेस्रो खेल नेपाल एपिएफ क्लब र गल्कोट भलिवल क्लबबिच हुने छ ।

पुस २४ गतेसम्म सञ्चालन हुने प्रतियोगितामा नेपाल र भारतका ८ टिमको सहभागिता रहेको छ । जसमा समुह एमा नेपाल पुलिस , मणिमुकुन्द भलिबल क्लब, रुकुम पश्चिम भलिबल प्रशिक्षण केन्द्र र मदन भण्डारी एकेडेमी रहेका छन् । समूह बिमा नेपाल एपिएफ क्लब, आर्मी, गल्कोट भलिबल क्लब, र गुजरात प्रदेश भलिवल एसोसियसन, भारत छन् ।

प्रतियोगिताको विजेताले ७ लाख ५० हजार, दोस्रोले ३ लाख ५० हजार, तेस्रोले १ लाख ७५ हजार र चौथो टोलीले १ लाख रुपैयाँ पाउनेछन् ।
यसैगरि प्रतियोगिताको सर्वोत्कृष्ट खेलाडीले २५ हजार रुपैयाँ तथा विधाका उत्कृष्ट खेलाडीले १० हजार गर्ने छन् ।

प्रतियोगिता आयोजना हुने बुटवल १० रामनगरस्थित कालिका मानव ज्ञान खेल मैदानमा ३ हजार दर्शक अट्ने अस्थायी प्याराफिट र कोर्ट निमार्ण गरिएको छ ।

प्रतियोगिताको उद्घाटन गर्दै लुम्बिनी प्रदेशका मुख्यमन्त्री चेतनारायण आचार्यले प्रदेश भित्र खेलक्षेत्रको समग्र विकास गर्न प्रदेश सरकारले अभिभावकत्व प्रदान गर्ने बताए । उनले खेल पूर्वाधार, खेलाडी उत्पादन र नियमित प्रतियोगीताहरु सञ्चालन गरेर खेल क्षेत्रको विकास गर्न सकिने भन्दै खेलबाट नै अन्तर्राष्ट्रिय स्तरमा देशको नाम चिनाउन सकिने बताए ।