सुमन अधिकारी,बुटवल

आयोजक फर्साटिकर फुटबल क्लबले शुद्धोधन गाउँपालिका १२ औँ फर्साटिकर कप फुटबल प्रतियोगिताको उपाधि जितेको छ ।

फाइनलमा नवलपुरको अभिषेक चर्च व्वाइज फुटबल क्लबलाई बुधवार ट्राइबेकरमा पराजित गर्दै फर्साटिकरले उपाधि जितेको हो।

निर्धारित ९० मिनेटको खेल २-२ गोलको बराबरी सकिएपछि खेल ट्राइब्रेकरमा गएको थियो । फर्साटिकरले २-० को अग्रता जोगाउन नसकेपछि उपाधिका लागि टाइब्रेकर सम्म कुर्नुपरेको थियो।

खेलको २० औं मिनेटमा प्राप्त कर्नरमा आशिष रानाले सुन्दर गोल गरेका थिए । २८ औं मिनेटमा अभी लामाको पेनाल्टी बक्स भित्रबाट गरेको गोलमा फर्साटिकरले अग्रता दोब्बर बनायो।

चर्च ब्वाइजका अरुण थापाले पेनाल्टी गोलमा गोल गरेपछि पहिलो हाफ २-१ भयो । दोस्रो हाफमा अरुणले अर्को गोल गर्दै खेललाई २-२ को बराबरीमा पुर्याए ।
ट्राईब्रेकरमा चर्च ब्वाइजका दुई खेलाडीले गोल गर्न असफल भए ।

विजेता फर्साटिकरले ट्रफी, ३ लाख ५ रुपैयाँ र उपविजेता चर्च ब्वाइजले १ लाख ५० हजार ५ रुपैयाँ प्रमाणपत्र प्राप्त गर्यो ।

सुद्धोधन गाउँपालिकाका अध्यक्ष विष्णु वस्याल तथा अखिल नेपाल फुटबल संघका उपाध्यक्ष दिर्घ बहादुर केसीलगायतले विजेता दोस्रो टोलीका खेलाडीलाई पुरस्कृत गरे। प्रतियोगितामा नेपाल र भारतका १२ टोलीको सहभागिता थियो ।