काठमाडौं (हाम्रो खेलकुद)– नेपाली राष्ट्रिय फुटबल टोलीका गोलकिपर किरण चेम्जोङ सम्मिलित माल्दिभ्सको टिसी स्पोर्टस क्लब समूह चरणको एकखेल अघि नै बंगलादेशमा जारी शेख कमल अन्तर्राष्ट्रिय क्लब कपको सेमिफाइनलमा पुगेको । लगातार दोस्रो खेल जित्ने क्रममा किरणको टोलीले सोमबार कीर्गिस्तानको एफसी अल्गालाई २–१ ले हराएको थियो ।
पहिलो खेलमा ढाका अवहानीलाई १–० ले हराएको टिसीले समूह चरणको अन्तिम खेलमा कोरियाका पेचेवङ सिटीको सामना गर्नेछ । प्रतियोगितामा सहभागिता नेपाली टोली लक्ष्मी हुन्डाई मनाङ मस्र्याङ्दीले भोलि दोस्रो खेल खेल्दैछ ।
