सुमन अधिकारी ,बुटवल

बुटवल पब्लिक स्कूलको आयोजनामा बुधवार सुरु भएको‌रुपन्देहीमा जिल्लास्तरीय अन्तर विद्यालय प्रथम सेभेन ए साईड फुटबल प्रतियोगिताको सेमिफाइनल समीकरण पूरा भएको छ ।

तिलोत्तमा नगरपालिका ११ बेलांडाडमा निमार्ण गरेको खेल मैदानमा सञ्चालित प्रतियोगितामा समुह ए बाट अक्स्फोर्ड मावि र जनज्याती मावि तथा समुह बीबाट एभरेष्ट उच्च मावि र क्यान उच्च मावि सेमिफाइनल पुगेका छन् ।

प्रतियोगितामा रुपन्देही जिल्लाका १० विद्यालयको सहभागिता रहेको छ । प्रतियोगिताको फाइनल बिहिवार हुने छ ।

निजी तथा आवासीय विद्यालय अर्गनाइजेसन नेपाल (प्याब्सन) का केन्द्रीय उपाध्यक्ष एवं लुम्बिनी इन्चार्ज विष्णु पन्थी र अखिल नेपाल फुटवल संघका उपाध्यक्ष दिर्घबहादुर केसीले संयुक्त रुपमा प्रतियोगिता गरे ।

पन्थीले विद्यार्थीको खेल प्रतिभा प्रस्फुटन, खेलाडी उत्पादन र फुटबलको विकासमा विद्यालयस्तरीय प्रतियोगिताको ठूलो महत्व हुने बताएका थिए ।

एन्फा केन्द्रीय उपाध्यक्ष दीर्घबहादुर केसी (कुमार) ले निजी विद्यालयले करोडौं लगानीमा खेल मैदान र रिसर्च सेन्टर निर्माण गरेर खेलकुदको विकासमा ठूलो योगदान गरेको बताए ।

दुई दिनसम्म सञ्चालन हुने प्रतियोगितामा सहभागी विद्यालयलाई २ समुह बनाएर प्रतिष्पर्धा गराइएको छ । प्रतियोगिताको विजेताले १५ हजार ५ रुपैयाँ र दोस्रोले १० हजार ५ रुपैयाँ प्राप्त गर्नेछ।

उत्कृष्ट गोलरक्षक,सर्वाधिक गोलकता र उत्कृष्ट खेलाडीले २ हजार ५ रुपैयाँ र प्रत्येक खेलको प्लेयर अफ द म्याचले ५ सय ५ रुपैयाँ प्राप्त गर्नेछन्।

विद्यालयले २ विगाहा क्षेत्रफलमा करिब १५ करोड लगानीमा क्रिकेट र फुटबल खेल मैदान, स्विमिङ पूलसहित ग्रीन हाउस सञ्चालनमा ल्याएको छ ।