एजेन्सी – साविक विजेता रियल म्याड्रिडले च्याम्पियन्स लिगको खेलमा फ्रान्सेली क्लब ब्रेस्टलाई पराजित गरेको छ ।

रियलले बुधवार ३-० को सहज जित हात पारेको हो । ब्रेस्टको घरेलु मैदानमा भएको खेलमा रियलको जितमा रोड्रिगोले २ तथा जुड वेलिंघमले १ गोल गरे ।

रोड्रिगोले खेलको २७औं र ७८औं मिनेटमा गोल गरे । वेलिंघमले खेलको ५६औं मिनेटमा गोल गरे । जितसँगै रियल ८ खेलमा १५ अंकका साथ ११औं स्थानमा रहेको छ ।

रियल च्याम्पियन्स लिगको प्लेअफका लागि छनोट भएको छ । पराजित ब्रेस्ट समान खेलमा १३ अंक जोड्दै १८औं स्थानमा छ ।

अन्य खेलमा म्यानचेस्टर सिटीले क्लब ब्रुगलाई ३-१ ले हरायो । आर्सनलले जिरोनालाई २-१ तथा एस्टन भिल्लाले सेल्टिकलाई ४-२ ले हरायो ।

बायर्न म्युनिखले स्लोभान ब्राटिस्लाभलाई र बोरुसिया डर्टमन्डले सख्तरलाई समान ३-१ ले पराजित गर्यो।लेभरकुसेनले स्पार्टलाई २-० ले हरायो । इन्टर मिलानले भने मोनाकोलाई ३–० ले पराजित गर्यो ।

एट्लेटिकोले आरबी साल्जबर्गलाई ४–१ तथा पेरिस सेन्ट जर्मेन (पिएसजी) ले स्टुटगार्डलाई ४–१ ले हार चखायो ।

शीर्ष स्थानको लिभरपुल भने पिएसभीसँग ३–२ ले पराजित भयो । युभेन्ट्स बेन्फिकासँग २–० र एसी मिलान डिनामोसँग २–१ ले पराजित भयो ।

जारी च्याम्पियनमस लिगको पहिलो चरणका खेलहरु सकिएका छन् ।