7 years ago
February 24, 2017
दिपक न्यौपाने बुटवल (हाम्रो खेलुकद) – त्रिभुवन आर्मी क्लबले १९ औं तिलोत्तमा गोल्ड कप नकआउट फुटबल प्रतियोगिताको क्वार्टरफाइनलमा पुगेको छ । एकतर्फी खेलमा शुक्रबार भारतको युनाइटेड सिक्किमलाई ८–० ले हराउँदै आर्मी अन्तिम आठमा पुगेको हो । पहिलो हाफमा २ गोल गरेको आर्मीले दोस्रो हाफमा आधा दर्जन गोल थपेको थियो । आर्मीका अमृत बस्नेतले चार गोल […]
दिपक न्यौपाने
बुटवल (हाम्रो खेलुकद) – त्रिभुवन आर्मी क्लबले १९ औं तिलोत्तमा गोल्ड कप नकआउट फुटबल प्रतियोगिताको क्वार्टरफाइनलमा पुगेको छ । एकतर्फी खेलमा शुक्रबार भारतको युनाइटेड सिक्किमलाई ८–० ले हराउँदै आर्मी अन्तिम आठमा पुगेको हो ।
पहिलो हाफमा २ गोल गरेको आर्मीले दोस्रो हाफमा आधा दर्जन गोल थपेको थियो । आर्मीका अमृत बस्नेतले चार गोल गरे भने दीप लामा, विवेक बस्नेत, टंक बस्नेत, सन्तोष तामाङले समान १ गोल गरे । अमृतले दोस्रो हाफमा चार गोल गरेका थिए । आर्मीले क्वार्टरफाइनलमा अर्को विभागिय टोली नेपाल पुलिस क्लबको सामना गर्दैछ । पुलिसले शनिबार धरानमा १९ औं बुढासुब्बा रेडबुल गोल्डकपको फाइनलमा सिएमजी क्लब संकटाको सामना गर्नेछ ।
देविनगरस्थित एन्फा टेक्निकल सेन्टरमा विवेकको गोलबाट आर्मीले ११ औं मिनेटमा अग्रता लिएको थियो । टंकले २२ औं मिनेटमा गोल गर्दै अन्तरलाई दोब्बर पारे । सन्तोषले ५२ औं मिनेटमा गोल गरे भने अमृतले ६१ औं मिनेटमा टोलीका लागि चौथो गोल गरे ।
त्यस्तै अमृतले ६९ औं र ८१ औं मिनेटमा गोल गर्दै ह्याट्रिक पुरा गरे । ९० औं मिनेटमा अमृतले अर्को गोल थपे । दीपले इन्जुरी समयको दोस्रो मिनेटमा गोल गरेका थिए । अमृत खेलको म्यान अफ दी म्याच घोषित भएका थिए ।
तिलोत्तममाको बिहीबार भएको उद्घाटन खेलमा एपिएफले भारत कालिङपोङको सेरे एफसीलाई १–० ले हराएको थियो । मोसफलकै प्रतिष्ठित गोल्डकप मध्येको एक तिलोत्तमाको विजेताले टोलीले उपाधिसहित ५ लाख ५५ हजार ५ सय ५५ रुपैयाँ प्राप्त गर्नेछ ।
तिलोत्तमा गोल्डकपमा शनिबारको खेल
हिमालयन शेर्पाविरुद्ध रमपम झापा ११
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]