दिपक न्यौपाने
बुटवल – हिमालयन शेर्पा १९ औं तिलोत्तमा गोल्डकपको सेमिफाइनलमा पुगेको छ । विदेशी खेलाडी एलेक्सले थप समयमा निर्णायक गोल गरेपछि हिमालयन शेर्पाले मोफसलको बलियो टोली रमपम झापा ११ लाई २–१ ले हराउँदै अन्तिम चारको यात्रा तय गरेको हो ।

निर्धारित ९० मिनेटको समय १–१ को बराबरीमा टुंगिएपछि २० मिनेट समय थप गरिएको थियो । थप समयको अन्तिम मिनेटमा एलेक्सले गोल गरेपछि नयाँ प्रशिक्षक किरण श्रेष्ठको नेतृत्वमा हिमालयनले विजयी सुरुआत गरेको छ ।
३७ औं मिनेटमा चेतनकुमार थारुको गोलबाट लिएको अग्रतालाई हिमालयन शेर्पाले जोगाउन नसकेपछि जितका लागि थप समयसम्म कुर्नुपरेको थियो । खेलमा पछि पारेको ४ मिनेटपछि नै झापाले बराबरी गोल फर्काएको थियो । झापाका लागि सन्जोक राईले गोल गरेका थिए । हिमालयनका एलेक्स खेलको म्यान अफ दी म्याच घोषित भए ।

तिलोत्तमा गोल्डकपमा आइतबारको खेल
अग्नी रुपन्देहीविरुद्ध धरान एफसी