7 years ago
March 1, 2017
दीपक न्यौपाने बुटवल – दुई ए डिभिजन टोली सिएमजी क्लब संकटा र हिमालयन शेर्पा १९ औं तिलोत्तमा गोल्डकप फुटबल प्रतियोगिताको पहिलो सेमिफाइनलमा आज एकअर्काको सामना गर्दैछन् । दुवै टोली लगातार मोफसलका नकआउटमा सहभागिता जनाउँदै आइरहेका छन् । दुई साताअघि रुस्लान सिमरा गोल्डकप फुटबल प्रतियोगिताको उपाधि जितेको संकटाले गत साता धरानमा १९ औं बुढासुब्बा रेडबुल गोल्डकप […]
दीपक न्यौपाने
बुटवल – दुई ए डिभिजन टोली सिएमजी क्लब संकटा र हिमालयन शेर्पा १९ औं तिलोत्तमा गोल्डकप फुटबल प्रतियोगिताको पहिलो सेमिफाइनलमा आज एकअर्काको सामना गर्दैछन् । दुवै टोली लगातार मोफसलका नकआउटमा सहभागिता जनाउँदै आइरहेका छन् ।
दुई साताअघि रुस्लान सिमरा गोल्डकप फुटबल प्रतियोगिताको उपाधि जितेको संकटाले गत साता धरानमा १९ औं बुढासुब्बा रेडबुल गोल्डकप फुटबल प्रतियोगिताको फाइनल खेलेको थियो । संकटाले माघको पहिलो साता सुदूरपश्चिमाञ्चल खप्तड गोल्डकपको पनि फाइनल खेलेको थियो ।
तर, झन्डै दुई बर्षपछि घरेलु फुटबलमा फर्केको हिमालयन शेर्पा सेमिफाइनल भन्दा अघि बढ्न सकेको छैन । सिमरा गोल्डकप, उदयपुर गोल्डकप दुवैमा शेर्पा सेमिफाइनलमै रोकिएको थियो । संकटा पनि उदयपुरमा सेमिफाइनलबाट अघि बढ्न सकेको थिएन ।
आन्तरिक विवादपछि अखिल नेपाल फुटबल संघ (एन्फा)ले हिमालयन शेर्पासहित चार क्लबमाथि फुटबल खेल्नबाट लगाएको प्रतिबन्ध केही महिनाअघि मात्र फुकुवा भएको थियो । त्यसपछि हिमालयन फुटबलमा फर्केको हो ।
देविनगरस्थित एन्फा टेक्निकल सेन्टरमा जारी प्रतियोगितामा अर्को सेमिफाइनलमा बिहीबार नेपाल आर्मी र आयोजक अग्नी रुपन्देहीबीच प्रतिस्पर्धा हुनेछ ।
रुपन्देही जिल्ला फुटबल संघको आयोजनामा सञ्चालित मोफसलकै प्रतिष्ठित गोल्डकप मध्येको एक तिलोत्तमा २०३३ सालबाट सुरु भएपनि पटक पटक आर्थिक अभाव र अन्य कारणले रोकिने गथ्र्यो । गत बर्ष भने प्रतियोगिताले पुनः निरन्तरता पाएको छ ।
यसपटक प्रतियोगितालाई अग्नी सिमेन्टले मुख्य प्रायोजन गरेको छ । बुटवल उप महानगरपालिकाको संरक्षणमा संचालन हुने प्रतियोगितालाई करेन्ट मसला र हुवाइ मोबाइल सहयोग प्रायोजन गरेका छन् ।
त्यस्तै एन्फा, राष्ट्रिय खेलकुद परिषद ९राखेप० र रुपन्देही जिल्ला विकास समिति प्रतियोगिताको विशेष सहयोगीका रुपमा रहेका छन् । तिलोत्तमा गोल्डकपको विजेता टोलीले उपाधिसहित ५ लाख ५५ हजार ५ सय ५५ रुपैयाँ प्राप्त गर्नेछ ।
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]