एजेन्सी – लिभरपुल, आर्सनलसँगै म्यानचेस्टर सिटी, चेल्सी र न्युक्यासल युनाइटेडले युइएफए च्याम्पियन्स लिग खेल्ने पक्का भएको छ।

इंग्लिस प्रिमियर लिगको अन्तिम दिन आइतवारको नतिजासँगै सिटी, चेल्सी र न्युक्यासलको च्याम्पियन्स लिग यात्रा तय भएको हो।

इल्काइ गुन्डोगान र एर्लिङ हाल्यान्डले गोलमा सिटीले फुलहमलाई २-० ले हरायो । यो जितसँगै सिटीले तेस्रो स्थानमा प्रिमियर लिगको अन्त्य गरेको छ। ३८ खेलबाट सिटीले ७१ अंक जोड्यो । ५४ अंकसहित फुलहम ११औं स्थानमा रह्यो ।

लेवी कोलविलको गोलमा चेल्सीले नटिङ्घम फरेस्टलाई १-० ले पराजित गर्यो। ६९ अंकसहित चेल्सीले चौथो स्थानमा लिग टुंगायो । नटिङ्ङ्घमले च्याम्पियन्स लिग छनोट हुन असफल रह्यो। नटिङ्घम ६५ अंकसहित सातौं स्थानमा रह्यो।

कार्लोस अल्कारेजको गोलमा न्युक्यासल एर्भटनसँग १-० ले पराजित भयो। हारका बाबजुद ६६ अंकसहित पाँचौं स्थानमा रहँदै न्युक्यासल च्याम्पियन्स लिगमा पुगेको छ। एभर्टनले ४८ अंकसहित १३ औं स्थानमा रह्यो।

शीर्ष ५ टोलीसहित युरोपा लिग च्याम्पियन टोटनहम गरि प्रिमियर लिगका ६ टोलीले अर्को सिजन च्याम्पियन्स लिग खेल्नेछ।

लिगको अन्तिम दिन टोटनहम ब्राइटनसँग ४-१ ले पराजित भयो । च्याम्पियन लिभरपुल क्रिस्टल प्यालेससँग १-१ को बराबरी रोकियो । खेलपछि लिभरपुलको लिग उपाधि उचाल्यो ।

दोस्रो स्थानको आर्सनलले साउथ ह्याम्टनलाई २-१ ले, बोर्नमाउथले लेस्टर सिटीलाई २-० ले,वेस्ट हमले इप्स्विचलाई ३-१ ले, म्यानचेस्टर युनाइटेडले एस्टन भिल्लालाई २-० ले हरायो। उल्भ्स र ब्रेनफोर्डले १-१ को बराबरी खेले।