एजेन्सी – च्याम्पियन बार्सिलोनाले जितका‌ साथ ला‌ लिगा सिजनको अन्त्य गरेको छ।

रोवर्ट लेवान्डोव्स्कीले २ गोल गरेपछि बार्सिलोनाले आइतवार एथ्लेटिक क्लबलाई ३-० ले हरायो । तेहेरो उपाधिका साथ बार्सिलोनाले‌ सिजनको उत्कृष्ट समापन गर्यो ।

दुई खेल बाँकी रहँदै आफ्नो २८औं लिग उपाधि निश्चित गरिसकेको बार्सिलोनाका लागि लेवान्डोव्स्कीले १४औं मिनेटमै पहिलो गोल गर्दै लिगमा आफ्नो १ सयौं गोल पूरा गरे।

लेवान्डोव्स्कीले गोलकिपर उनाई साइमोनमाथि उत्कृष्ट चिप गोल गरे हुन् । त्यसको तीन मिनेटपछि उनले राफिन्हाको कर्नरमा हेडरमार्फत दोस्रो गोल गरे।
लिगका यो उनको २७औं तथा सबै प्रतियोगिता गरि सिजनको ४०औं गोल हो ।

परिवर्तित डानी ओल्मोले इन्ज्युरी समयको चौथो मिनेटमा पेनाल्टीमार्फत गोल गर्दै बार्सिलोनाको जित निश्चित गरे। बार्सालोनाले सिजनको अन्त्य २८ जित र ४ बराबरीसहित ८८ अंकमा साथ गर्‍यो। बार्सिलोनाले दोस्रो स्थानको रियल म्याड्रिडभन्दा ४ अंकले पछाडि पार्यो ।

जर्मन प्रशिक्षक हान्सी फ्लिकले बार्सिलोनामा आफ्नो पहिलो सिजनमै ला लिगा, कोपा डेल रे र स्पेनिस सुपर कपको उपाधि जिते।

पहिलो हाफमा बार्साको एकतर्फी प्रदर्शन गरेपनि एथ्लेटिकले गोल घटाउने दुई राम्रा अवसर पायो । तर मेरोअन सान्नादीले दवै मौका गुमाए।

२४ वर्षीय स्ट्राइकर सान्नादीले उनाई नुनेजको क्रसमा सिक्स यार्ड नजिकबाट गोल गर्न सकेनन्। पछि कप्तान ओस्कार डे मार्कोसको पासमा गोलकिपर इनाकी पेना मात्रै बाँकी रहँदा पनि सान्नादीले बल पोष्ट बाहिर हाने ।

लेवान्डोव्स्कीले दोस्रो हाफको सुरुवातमै ह्याट्रिक पूरा गर्ने केही मौका गुमाए। यो सिजन ला लिगामा रियलका किलियन एमबाप्पे (३१ गोल) पछि दोस्रो स्थानमा रहे ।

पहिले नै च्याम्पियन्स लिगको स्थान सुरक्षित गरिसकेको एथ्लेटिकले चौथो स्थानमा सिजनको समाप्ति गर्‍यो।

सिजनको अन्तिम दिनको अन्य खेलमा एट्लेटिको म्याड्रिडले जिरानोलाई ४-० ले, भिल्लारियलले सेभियालाई ४-२ ले, सेल्टा भिगोले गरटाफेलाई २-१ ले हरायो।

अल्भेस र ओसासुनाले १-१ तथा रायो भालेसानो र मालोर्काले गोलरहित बराबरी खेले।