एजेन्सी – युवा स्टार लामिन यामालले बार्सिलोनासँग आगामी ६ वर्षका नयाँ सम्झौता गरेका छन् । घरेलु फुटबलमा यो सिजन टोलीलाई तेहरो उपाधि दिलाउन मद्दत गरेका गरेका यामालसँग बार्सिलोनाले मंगलवार नयाँ सम्झौता गरेका हो।

१७ वर्षीय स्पेनिस विङ्गर यामालको अघिल्लो सम्झौता २०२५–२६ सिजनको अन्त्यसम्म थियो।‌ नयाँ सम्झौताले उनी सन् २०३१ सम्म बार्सिलोनामा रहनेछन् ।

२०२३ मा १५ वर्षको उमेरमा यामालले क्याटलानको पहिलो टोलीबाट डेब्यु गरेका थिए। हान्सी फ्लिकको पहिलो सिजनमा बार्सिलोनाले ला लिगा, कोपा डेल रे र स्पेनिस सुपर कप जित्दा यामालले ५५ खेलमा १८ गोल र २५ एसिस्ट गरेका थिए। जसमा च्याम्पियन्स लिगमा उनले ५ गोल र ४ एसिस्ट गरेका थिए ।

यामालले नयाँ सम्झौता क्लब अध्यक्ष जोआन लापोर्टा र स्पोर्टिङ डाइरेक्टर डेकोको उपस्थितिमा गरेको बताइएको छ।

‘यामालको नयाँ सम्झौता बार्सिलोनाको योजनाको दृढताको प्रमाण हो। विश्व फुटबलमा उनको उदय निकै दुर्लभ किसिमको छ,’ क्लबले भनेको छ,’ बार्सिलोनानजिकैको मातारोका युवकले विश्व फुटबलको मञ्चमा यस्तो प्रभावशाली प्रदर्शन गरेका छन् । उनी बार्सिलोना इतिहासको हिस्सा बनिसकेका छन्।

यामालले क्लबका लागि १ सय १५ खेलमा २५ गोल गरेका छन् । उनी ला लिगा, कोपा डेल रे र स्पेनिस सुपर कपको इतिहासमा गोल गर्ने सबैभन्दा कान्छो खेलाडी बनेका छन्।

जुलाईमा १८ वर्ष पुग्न लागेका यामाल बार्सिलोना लागि १ सय खेल खेल्ने सबैभन्दा कान्छा खेलाडी पनि हुन्।
उनले स्पेनका लागि १९ खेल खेलिसकेका छन् । उनी २०२४ को युरो च्याम्पियनसिप जित्ने टोलीको सदस्य हुन् । इङ्ल्यान्डलाई २-१ ले हराउँदै स्पेन युरो च्याम्पियन बनेको थियो।

यी किशोर खेलाडीको तुलना बार्सिलोना महान् खेलाडी लियोनल मेस्सीसँग गरिएको छ। जसरी उनी पनि क्लबको ला मासिया एकेडेमी हुँदै अघि बढेका हुन्।

बार्सिलोनाले पछिल्ला केही सातामा आफ्नो प्रशिक्षक फ्लिक र ब्राजिलियन फरवार्ड राफिन्हाको पनि सम्झौता नवीकरण गरेको थियो।विस्तार गरिसकेको छ।