काठमाडौं (हाम्रो खेलकुद)- एसियाली फुटबल महासंघ (एएफसी) ले एएफसी यु-२३ एसियन कप छनौटको ‘ड्र’ आज सार्वजनिक गरेको छ।

मलेसियाको क्वालालम्पुरमा भएको ‘ड्र अनुसार ‘नेपालले समुह ‘के’ मा ताजिकिस्तान, फिलिपिन्स र सिरियासँग प्रतिस्पर्धा गर्नेछ। यो समूहको प्रतिस्पर्धा ताजिकिस्तानमा हुनेछ। छनोट सेप्टेम्बर १ देखि ९ सम्म (भदौ १६ देखि २४ गते ) हुनेछ।

कुल ४४ राष्ट्रले छनोटमा सहभागिता जनाउनेछन्। ४३ राष्ट्रलाई ११ वटा समूहमा विभाजन गरिएको छ। प्रत्येक समुहमा ४ राष्ट्र रहेका छन्।

यो छनोटबाट प्रत्येक समूहको विजेता तथा उत्कृष्ट ४ उपविजेता टोलीले २०२६ को जनवरीमा साउदी अरेबियामा हुनेछ। आयोजक साउदी अरेबिया स्वत छनोट भैसकेको छ।

समूह विभाजन

ग्रुप ए: जोर्डन (आयोजक), तुर्कमिनिस्तान, चाइनिज ताइपेइ, भुटान

ग्रुप बी: म्यानमार (आयोजक), जापान, कुवेत, अफगानिस्तान

ग्रुप सी: भियतनाम (आयोजक), यमन, सिङ्गापुर, बङ्गलादेश

ग्रुप डी: चाइना पीआर (आयोजक), अस्ट्रेलिया, टिमोर-लेष्टे, नर्दन मरिआना आइल्यान्ड्स

ग्रुप ई: किर्गिस्तान रिपब्लिक (आयोजक), उज्बेकिस्तान, प्यालेस्टाइन, श्रीलङ्का

ग्रुप एफ: थाइल्याण्ड (आयोजक), मलेसिया, लेबनान, मङ्गोलिया

ग्रुप जी: कम्बोडिया (आयोजक), इराक, ओमान, पाकिस्तान

ग्रुप एच: कतार (आयोजक), बहराइन, भारत, ब्रुनई

ग्रुप आई: युएई (आयोजक), इरान, हङकङ, चीन, गुवाम

ग्रुप जे: इन्डोनेसिया (आयोजक), कोरिया रिपब्लिक, लाओस, मकाउ

ग्रुप के: ताजिकिस्तान (आयोजक), सिरिया, फिलिपिन्स, नेपाल