काठमाडौं (हाम्रो खेलकुद) – हङकङसँग अन्तराष्ट्रिय मैत्रिपूर्ण खेलको एागि अखिल नेपाल फुटबल संघ (एन्फा) ले २३ सदस्यीय राष्ट्रिय टिमको घोषणा गरेको छ ।

नेपाली टिमका प्रमुख प्रशिक्षक म्याट रसले घोषणा गरेको टिममा मिडफिल्डरद्वय कुशल देउवा र श्रृजन राज गौतमलाई पहिलो पटकका राष्ट्रिय टिममा स्थान दिइएको छ । कुशलले च्यासलबाट बि डिभिजन लिग खेल्दा सृजनले संकटाबाट मोफसलका प्रतियोगितामा छाप छोडेका थिए । घरेलु फुटबलमा प्रभाव जमाइरहेका मिडफिल्डर सन्तोष खत्री भने रसको रोजाइमा परेनन् ।

नेपाली टिमको किरण चेम्जोङको कप्तानीमा रहनेछ । नेपालले जुन ५ मा हङकङसँग मैत्रिपुर्ण खेल खेल्दैछ। हङकङ स्टेडियममा हुने यो खेल फिफाको अन्तर्राष्ट्रिय विन्डोभित्रको मैत्रिपूर्ण खेल हो ।

नेपालले पछिल्लो खेलमा गत मार्च २५ मा मलेसियासँग एएफसी एसियन कप छनोट अन्तर्गत २-० को हार बेहोरेको थियो । त्यसअघिको मैत्रीपूर्ण खेलमा भने नेपालले सिंगापुरलाई १-० ले हराएको थियो ।

एएफसी एसियन कप छनोटको तयारी स्वरूप यो मैत्रिपूर्ण खेल खेल्न लागेको हो । लाओससँगको उक्त खेल जुन १० मा हुनेछ ।

नेपाली राष्ट्रिय फुटबल टोली:

किरण चेम्जोङ (कप्तान ), अभिषेक लिम्बु, अनन्त तामाङ, अञ्जन विष्ट, आरिक विष्ट, आयुष घलान, विमल पाण्डे, विशाल सुनार, दीप कार्की , जीलेस्पी जङ्ग कार्की, कृतिश रत्न छुन्जु, कुशल देवुवा, लाकेन लिम्बु, मणि कुमार लामा, मनिष डाँगी, रोहित चन्द, रोहन कार्की, सनिश श्रेष्ठ, सृजन राज गौतम, सुमन श्रेष्ठ, सुमित श्रेष्ठ, सुवास ठाकुरी बम र योगेश गुरुङ