एजेन्सी – म्यानचेस्टर सिटी छाडेका केभिन डे ब्रुइनले
इटालियन क्लब नापोलीमा आबद्ध भएका छन्।

बेल्जियमका मिडफिल्डर डे ब्रुइनले प्रिमियर लिग सिजनको अन्त्यसँगै सिटी छाडेका थिए। इटालियन च्याम्पियन नापोलीमा एन्टोनियो कोन्टे प्रमुख प्रशिक्षक छन् । उनले चेल्सी र टोटनहमको पनि नेतृत्व गरिसकेका छन्।

इटालीमा फ्रि ट्रान्सफरमार्फत गएका डे ब्रुइनले मेजर लिग सकर क्लब सिकागो फायरको प्रस्ताव अस्वीकार गरेको बताइएको छ थिए। उनले अर्को सिजन च्याम्पियन्स लिग खेल्न सक्नेछन्।

नापोलीले ३३ वर्षीय डे ब्रुइनको अनुबन्ध घोषणा गर्दै भनेको छ,’किङ केभ आएका छन्।’

डे ब्रुइनले सन् २०१५ मा वोल्फ्सबर्गबाट सिटीमा पुगेर त्यहाँ १० वर्ष बिताएका थिए । उनले सिटी लागि १९ ठूला उपाधि जितेका थिए।

सिटीलाई ६ प्रिमियर लिग उपाधि, ५ लिग कप, २ एफए कप र २०२३ मा क्लबको पहिलो च्याम्पियन्स लिग जिताउन उनले महत्वपूर्ण भूमिका खेले। त्यो सिजन सिटीले ट्रेबल जितेको थियो । त्यसरी तेहेरो उपाधि जित्ने इतिहासमै दोस्रो इंग्लिस टोली बनेको थियो।

उनले सिटी छाड्ने घोषणा सिजन सकिनुअघि नै गरेका थिए । मे महिनामा बोर्नमाउथविरुद्धको अन्तिम घरेलु खेलपछि उनले एतिहाद स्टेडियममा भावुक बिदाइ दिए।

सिटीको अन्तिम घरेलु खेलपछि फुलहमविरुद्धको अन्तिम खेलमा पनि उनी केहीबेर मैदानमा देखिए।