एजेन्सी- लियाम डेलापले चेल्सीको तर्फबाट डेब्यु गरेको क्लब विश्वकपको पहिलो खेलमा चेल्सीले लस एन्जलस एफसीमाथि २-० को जित हासिल गरेको छ।

अटलान्टाको मर्सिडीज-बेन्ज स्टेडियममा भएको खेलमा हजारौं खाली सिट खाली थिए। ३४ औं मिनेटमा मा पेड्रो नेटोले नजिकको पोस्टमा गरेको प्रहारले गोलको खाता खोलेका ।

एन्जो फर्नान्डेजले ७९ औं मिनेटमा टोलीको लागि दोस्रो गोल गरे। डेलापको क्रसमा फर्नान्डेजले नजिकैबाट गोल थपेका हुन्‌ ।

तर खेलको मुख्य चर्चा ७१ हजार क्षमताको रंगशालामा २२ हजार १ सय ३७ दर्शक मात्र उपस्थित हुनु रह्यो।चेल्सीको सोचे जस्तो प्रदर्शन गर्न नसकेपनि टोली उत्कृष्ट फिनिसिङका उत्कृष्ट रह्यो ।

डेलापले ६४ औं मिनेटमा वैकल्पिक खेलाडीका रुपमा मैदान प्रवेश गर्दै प्रभावशाली प्रदर्शन गरे। उनी यसै महिनाको ३० मिलियन पाउन्डमा इप्सविचबाट चेल्सी आएका हुन्।

विश्वकप विजेता फ्रेन्च खेलाडी ओलिभियर जिरुड र हुगो लोरिस सहभागी रहेको कमजोर टोली लस एन्जलस एफसीले केही चुनौती सिर्जना गर्यो। तर डेनिस बुवाङ्गा र डेभिड मार्टिनेजले पाएको अवसरलाई गोलमा परिणत गर्न सकेनन्।

चेल्सीका लागि मिडफिल्डर डारियो एस्सुगोले पनि पहिलोपटक मैदानमा डेब्यु गरे। चेल्सीले कन्फरेन्स लिग फाइनल समेत गरि पछिल्ला ९ मध्ये ८ खेलमा जित दर्ता गरेको छ।