रविन्द्र वाईबा, हेटौंडा

बागमती प्रदेशको राजधानी हेटौंडामा रेफ्री क्याटगोरी-४ कोर्ष सुरु भएको छ। बागमती प्रदेश खेलकुद विकास परिषद्को आयोजनामा शुक्रवार प्रदेशमा फुटबल रेफ्री उत्पादन गर्ने उद्देश्यका साथ कोर्ष सुरु भएको हो ।

बागमती प्रदेश खेलकुद विकास परिषदका सदस्य एवम् कार्यक्रमका संयोजक अमृत लुङ्बाले कोर्षपछि फुटबल रेफ्री थप उत्पादन हुने बताए । कोर्षपछि आधिकारिक फुटबल खेलाउन योग्य हुने भन्दै उनले सहभागी सबैलाई उतिर्ण हुने गरि लाग्न आग्रह गरे ।

तालिममा ४१ जना सहभागी छन् । असार १२ गतेसम्म सञ्चालन हुने तालिममा प्रशिक्षकहरु सचिन अमात्य, रोजिन श्रेष्ठ, विरेन्द्र पाण्डे र कल्पणा शर्माले सहजीकरण गर्नेछन् । कोर्षमा फिटनेस परिक्षण, प्रयोगात्मक र लिखित परीक्षा हुनेछ ।

बागमती प्रदेश खेलकुद विकास परिषद्का सदस्य एवम् तालिम संयोजक अमृत लुङ्बाको सभापतित्वमा रहेको कार्यक्रमको हेटौंडा उपमहानगरपालिकाकी प्रमुख मिना कुमारी लामा उद्घाटन गरिन् ।

कार्यक्रममा एन्फा केन्द्रीय सदस्य एवम् जिल्ला फुटबल मकवानपुरका अध्यक्ष टीका राम लामा, पत्रकार प्रताव विष्ट, एन्फा बागमती प्रदेशका महासचिव लवराज ठकुरी, जिल्ला खेलकुद विकास समिति मकवानपुरका अध्यक्ष राजकुमार मोक्तान, एन्फा मकवानपुर उपाध्यक्ष युवराज भोलन र नेपाल पत्रकार महासंघ मकवानपुरका अध्यक्ष बालकृष्ण अधिकारी लगायतको उपस्तिथि  थियो ।