एजेन्सी – अर्जेन्टिनी ३७ वर्षीय खेलाडी एन्जेल डि मारियाले २ गोल गरेको क्लब विश्वकपको समूह सीको खेलमा बेन्फिकाले अकल्याण्ड सिटीलाई ६-० ले हराएको छ।

बेन्फिकाका लागि अन्तिम प्रतियोगिता खेलिसकेका डि मारियाले क्लबको बिदाइलाई विशेष बनाउने क्रममा शुक्रवार इण्टर एण्ड को स्टेडियममा
उच्च प्रदर्शन गरे ।

‘फिडेओ’ उपनामले चिनिने डि मारिया यो प्रतियोगिता पछि आफ्नै देशको क्लब रोसारियो सेन्ट्रलमा फर्किँदैछन्। उनले पहिलो हाफको अन्त्यमा पेनाल्टीमा कलात्मक शैलीमा खेलको पहिलो गोल गरे । जुनबेला बेन्फिका विपक्षी गोलकिपर नाथन ग्यारोको प्रतिरोध तोड्न सकिरहेको थिएन।

खेल त्यसपछि ओरलान्डोको खराब मौसमका कारण करिब ३ घण्टा रोकिएको थियो। त्यो अवरोधले ‘इगल्स’ का अर्जेन्टिनी स्टारलाई दोस्रो हाफ पूरा खेल्न फाइदा पुगेको देखियो।

दोस्रो हाफमा बेन्फिका निकै आक्रामक देखियो र ५ गोल थप्यो । डि मारियाले फेरि एकपटक पेनाल्टीमार्फत् गोल गर्दै आफ्नो दोहोरो गोल पूरा गरे। जितमा पाभलिडिस, रेनेटो सान्चेस र बारेरोले पनि समान २ गोल गरे ।

डि मारियाले यसअघि बोका जुनियर्सविरुद्धको पहिलो खेलमा पनि पेनाल्टीमा गोल गरेका थिए। योसँगै उनी जमाल मुसियालासँगै जारी क्लब विश्वकपमा समान ३ गोलका साथ संयुक्त रूपमा शीर्ष गोलकर्ता छन्।