‘काठमाडौं (हाम्रो खेलकुद)- नेपाली राष्ट्रिय महिला फुटबल टोलीकी चर्चित स्ट्राइकर हुन्, रेखा पौडेल। नेपाली फुटबल समर्थक माझ रेखा निकै लोकप्रिय नाम हो।

पछिल्लो समय टोली फ्रन्ट लाइनमा सावित्रा भण्डारी ‘साम्बा’ र रेखा टोलीको नियमित जस्तै थिए। रेखा र साम्बा दुवै विदेशी लिग खेल्दै आएका छन्।

तर उज्वेकिस्तानमा जारी एएफसी महिला एसियन कप छनोटमा सुरुका दुई खेलमा प्लेइङ ११ मा परिनन् । नव नियुक्त प्रशिक्षक प्याट्रिक डि वाइल्डको पहिलो रोजाइमा पर्न नसकेपनि दोस्रो हाफमा भने मौका पाइरहेकी छिन्।

लाओस विरुद्धको पहिलो खेलमा पनि रेखा दोस्रो हाफमा मैदान प्रवेश गरेकी थिइन् । आजको श्रीलंकासँगको खेलमा उनी ७० औं मिनेटमा रेनुका नगरकोटेको ठाउँमा गर्दै मैदान प्रवेश गरेकी‌ हुन् ।

मैदान प्रवेश गरेको ८ मिनेटमा रेखाले पूजा रानाको क्रसमा हेडर गोल गरिन्।‌ श्रीलंका विरूद्ध नेपालको त्यो सातौं गोल थियो। यसपटक रेखाको गोल सेलिब्रेट गर्ने शैली फरक र अनौठो थियो।

गोल लगत्तै उनले लेग गार्ड निकालिन् र त्यसलाई देखाइन्। जसमा लेखिएको थियो – ‘तिम्रोको घृणाले मलाई रोक्न सक्दैन”। अङ्ग्रेजीमा लेखिएको थियो – ‘योर हेट मेक्स मी अनस्टपएबल’

उनको त्यो भावनात्मक सेलिब्रेसन थियो? सन्देश थियो वा कसैप्रति लक्षित जवाफ थियो? त्यस्तै अड्कल काट्न गाह्रो उनले सेलिब्रेसन गरिन् ।